កំពង់ស្ពឺ៖ កាលពីថ្ងៃទី០១ ខែកក្កដា ឆ្នាំ២០២៣ វេលាម៉ោង១៣:៣០នាទី សមត្ថកិច្ចជំនាញព្រហ្មទណ្ឌ នៃអធិការដ្ឋាននគរបាលស្រុកភ្នំស្រួច បានឃាត់ខ្លួនជនសង្ស័យ ០១នាក់ដែលធ្វើសកម្មភាពគប់ដុំថ្មទៅលើរថយន្ត នៅចំណុចចន្លោះគីឡូម៉ែត្រលេខ ៥៨-៥៩ លើស្ពានផ្លូវជាតិលេខ៤ ស្ថិតក្នុងភូមិព្រៃស្តុក ឃុំមហាសាំង ស្រុកភ្នំស្រួច (ស្ពឺ) ។
ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពយកដុំថ្មគប់ទៅលើរថយន្តខាងលើដោយសារតែខ្លួនប្រើប្រាស់គ្រឿងញៀន(បែកថ្នាំ) ពិតប្រាកដមែន៕
ប្រភព៖ ផ្នែកនគរបាលយុត្តិធម៌ នៃអធិការដ្ឋាននគរបាលស្រុកភ្នំស្រួច
