ស្ទឹងត្រែង៖ នាព្រឹកថ្ងៃសៅរ៍ ៧រោច ខែជេស្ឋ ឆ្នាំថោះ ចញ្ចស័ក ព.ស.២៥៦៧ ត្រូវនឹងថ្ងៃទី១០ ខែមិថុនា ឆ្នាំ២០២៣ កម្លាំងប៉ុស្តិ៍នគរបាលរដ្ឋបាលស្ទឹងត្រែង នៃអធិការដ្ឋាននគរបាលក្រុងស្ទឹងត្រែង បានធ្វើការឃាត់ខ្លួន ឈ្មោះ សួង រស្មី ភេទ ប្រុស អាយុ ២៣ឆ្នាំ មានទីលំនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដែលបានធ្វើសកម្មភាពបើកបរម៉ូតូ មានបំពង់ស៊ីមាំងកែឆ្នៃមានសំលេងខ្លាំង ដែលរំខានដល់ប្រជាពលរដ្ឋ និងបណ្តាលខូចសណ្តាប់ធ្នាប់សាធារណៈ ។ បានធ្វើកិច្ចសន្យា និងបានប្រគល់ឲ្យអាណាព្យាបាលយកទៅអប់រំបន្ត៕
ប្រភព៖ ស្នងការដ្ឋាននគរបាលខេត្តស្ទឹងត្រែង
