បាត់ដំបង៖ នៅថ្ងៃអាទិត្យ ៣រោច ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ថៃទី០៧ ខែឧសភា ឆ្នាំ២០២៣ វេលាម៉ោងប្រហែល១៥នឹង០០នាទី នៅចំណុចក្បែរវត្តស្លខ្លាញ់ ភូមិស្លខ្លាញ់ ឃុំបួវិល ស្រុកបវេល ខេត្តបាត់ដំបង មានករណីហិង្សាដោយចេតនាមានស្ថានទម្ងន់ទោស (ប្រើប្រាស់អាវុធ) ដែលបង្កឡើងដោយជនសង្ស័យចំនួន ០៣នាក់ បានធ្វើសកម្មភាពយកកាំបិតកាប់និងវាយទៅលើជនរងគ្រោះចំនួន ០៦នាក់
១.ឈ្មោះ មិន សារ៉ាន់ ភេទប្រុស អាយុ ២៣ឆ្នាំ រស់នៅភូមិកំពង់ឆ្នាំង១ ឃុំបួវិល ស្រុកបវេល ខេត្តបាត់ដំបង រងរបួស១ដៃត្រង់ថ្គាមខាងឆ្វេង (របួសស្រាល)
២.ឈ្មោះ មិន សារីន ភេទប្រុស អាយុ២២ឆ្នាំ រស់នៅភូមិកំពង់ឆ្នាំង១ ឃុំបួវិល ស្រុកបវេល ខេត្តបាត់ដំបង រងរបួសបែកក្បាល (របួសធ្ងន់)
៣.ឈ្មោះ មិន ឡុង ភេទប្រុស អាយុ៤៦ឆ្នាំ រស់នៅភូមិកំពង់ឆ្នាំង១ ឃុំបួវិល ស្រុកបវេល ខេត្តបាត់ដំបង រងរបួសដៃខាងស្តាំ (របួសស្រាល)
៤.ឈ្មោះ មិន យ៉ាល់ ភេទប្រុស អាយុ២១ឆ្នាំ រស់នៅភូមិកំពង់ឆ្នាំង១ ឃុំបួវិល ស្រុកបវេល ខេត្តបាត់ដំបង រងរបួសស្រាល
៥.ឈ្មោះ ផល គឹមហុង ភេទប្រុស អាយុ២០ឆ្នាំ រស់នៅភូមិកំពង់ឆ្នាំង១ ឃុំបួវិល ស្រុកបវេល ខេត្តបាត់ដំបង រងរបួសដៃខាងស្តាំ (របួសស្រាល)
៦.ឈ្មោះ នី នីត ភេទប្រុស អាយុ ២១ឆ្នាំ រស់នៅភូមិស្ថាពរ២ ឃុំអំពិលប្រាំដើម ស្រុកបវេល ខេត្តបាត់ដំបង ត្រូវស្មា១ពូថៅ (របួសស្រាល)។
ក្រោយទទួលព័ត៌មាន ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោបល់លោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក សុខ សារិន អធិការនគរបាលស្រុកបវេល បានចុះធ្វើការស្រាវជ្រាវស៊ើបអង្កេតបង្ក្រាបឃាត់ខ្លួនជនសង្ស័យ១នាក់ ក្នុងចំនោម៣នាក់
១.ឈ្មោះ ធាង យ៉ាំភិញ ហៅភិញ ភេទប្រុស អាយុ ២៥ឆ្នាំ រស់នៅភូមិស្លខ្លាញ់ ឃុំបួវិល ស្រុកបវេល ខេត្តបាត់ដំបង រងរបួសបាក់ចុងម្រាមដៃនាងខាងស្តាំ (ឃាត់ខ្លួនបាន)
២.ឈ្មោះ សុត សីហា ភេទប្រុស អាយុ ២៥ឆ្នាំ រស់នៅភូមិស្លខ្លាញ់ ឃុំបួវិល ស្រុកបវេល ខេត្តបាត់ដំបង (រត់គេចខ្លួន)
៣.ឈ្មោះ យ៉ុត វាសនា ភេទប្រុស អាយុ ២៣ឆ្នាំ រស់នៅភូមិស្លខ្លាញ់ ឃុំបួវិល ស្រុកបវេល ខេត្តបាត់ដំបង (រត់គេចខ្លួន)។
បន្ទាប់ពីឃាត់ខ្លួន ក្រុមបក្សពួកជនសង្ស័យនិងជនរងគ្រោះមានទំនាស់ពាក្យសម្តីនឹងគ្នាទើបបង្កជាហិង្សាបែបនេះ។ ករណីនេះ ជនសង្ស័យខាងលើត្រូវបាននគរបាលស្រុកកំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់ការបន្តតាមនីតិវិធីច្បាប់៕
ប្រភព៖ នាយកដ្ឋានផ្សព្វផ្សាយអប់រំ
