ព្រះវិហារ៖ ក្រោមការដឹកនាំដោយលោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ នៅថ្ងៃទី០៣ ខែឧសភា ឆ្នាំ២០២៣ កម្លាំងជំនាញរបស់ស្នងការដ្ឋាននគរបាលខេត្តព្រះវិហារ បានសហការជាមួយកម្លាំងអធិការដ្ឋាននគរបាលក្រុងព្រះវិហារ ចុះស្រាវជ្រាវស៊ើបអង្កេត ឈានទៅដល់ឃាត់ខ្លួនមុខសញ្ញាចោរកម្មយ៉ាងសកម្មចំនួន ០១ នាក់នៅក្នុងក្រុងព្រះវិហារ ខេត្តព្រះវិហារ មានឈ្មោះ ចេង សេង ភេទប្រុស អាយុ ៣៥ឆ្នាំ មុខរបរមិនពិតប្រាកដ មានស្រុកកំណើតនៅភូមិព្រៃដំបូក ស្រុកស្រីសន្ធរ ខេត្តកំពង់ចាម បច្ចុប្បន្នស្នាក់នៅមិនពិតប្រាកដ និងដកហូតបានធុងបាស់ ចំនួន ០២ គ្រឿង ( ម៉ាកJBL ០១ គ្រឿង ,ម៉ាកIN888 ០១ គ្រឿង ) និង ម៉ៃក្រូហ្វូន ចំនួន ០១ គូ ៕
ប្រភព៖ ស្នងការដ្ឋាននគរបាលខេត្តព្រះវិហារ
