ភ្នំពេញ៖ នៅថ្ងៃទី០១ ខែឧសភា ឆ្នាំ២០២៣ វេលាម៉ោង២១៖១៥នាទី លោកឧត្តមសេនីយ៍ត្រី ប៊ុត វណ្ណរដ្ឋ អនុប្រធាននាយកដ្ឋាន បានដឹកនាំកម្លាំងការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌ ដែលមានលោកវរសេនីយ៍ឯក ឡេង ប៊ុនហួរ ជានាយការិយាល័យ ចុះល្បាតតាមបណ្តោយផ្លូវ៣៦០ ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ក៏ប្រទះឃេីញជនសង្ស័យជិះម៉ូតូចំនួន០១គ្រឿង មានគ្នាចំនួន០២នាក់ បានធ្វេីសកម្មភាពឆក់ទូរស័ព្ទពីនារីរងគ្រោះ (ជនបរទេស) ដែលកំពុងជិះម៉ូតូ២នាក់បានសម្រេច។
ភ្លាមនោះកម្លាំងជំនាញ ធ្វេីការប្រដេញរហូតដល់ចំណុចផ្លូវ៩៧ សង្កាត់ផ្សារដេីមថ្កូវ ខណ្ឌចំការមន រាជធានីភ្នំពេញ ទេីបឃាត់ជនសង្ស័យចំនួន០២នាក់ រួមមាន៖
ទី១៖ ឈ្មោះ ហ៊ឹម លាងហៃ ភេទប្រុស អាយុ២៦ឆ្នាំ ជនជាតិខ្មែរ មុខរបរធ្វេីការនៅអគ្គិសនី ទីកន្លែងស្នាក់នៅផ្ទះជួល ផ្លូវលេខ៩៩ ក្នុងសង្កាត់ផ្សារដេីមថ្កូវ ខណ្ឌចំការមន រាជធានីភ្នំពេញ (អ្នកបេីក)។
ទី២៖ ឈ្មោះ រិន រី ភេទប្រុស អាយុ១៥ឆ្នាំ ជនជាតិខ្មែរ មុខរបររេីសអេតចាយ ទីកន្លែងស្នាក់នៅជួល ផ្លូវលេខ៩៩ ក្នុងសង្កាត់ផ្សារដេីមថ្កូវ ខណ្ឌចំការមន រាជធានីភ្នំពេញ (ដៃដល់)។
សម្ភារៈដកហូតមាន៖
១.ម៉ូតូម៉ាកហុងដាស្តុបពី ពណ៌សជារបស់ជនសង្ស័យ
២.ទូរស័ព្ទដៃអាយហ្វូន១៤ (របស់ជនរងគ្រោះ)
ទូរស័ព្ទខាងលេីកម្លាំងជំនាញបានប្រគល់អោយនារីរងគ្រោះជនបរទេសវិញ។ បច្ចុប្បន្នការិយាល័យជំនាញ បាននាំជនសង្ស័យខាងលេីមក ដេីម្បីធ្វេីការសាកសួរ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ចាត់ការតាមនីតិវិធី៕
ប្រភព៖ កងម៉ូតូប្រដេញសាគរជ័យ
