កណ្ដាល៖ នៅថ្ងៃចន្ទ ១១កើត ខែពិសាខ ឆ្នាំថោះ បញ្ជស័ក ព.ស.២៥៦៦ ត្រូវនឹងថ្ងៃទី០១ ខែឧសភា ឆ្នាំ២០២៣ ក្រោមការដឹកនាំបញ្ជាពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងការិយាល័យជំនាញ សហការជាមួយកម្លាំងអធិការដ្ឋាននគរបាលស្រុកកណ្តាលស្ទឹង បានធ្វើការបង្ក្រាប ករណីលួចមានស្ថានទម្ងន់ទោស (កាប់យកម៉ូតូ) វេលាម៉ោង០១នឹង៤០នាទី នៅចំណុចលេីផ្លូវជាតិលេខ២ ភូមិព្រៃតាតូច ឃុំបឹងខ្យាង ស្រុកកណ្ដាលស្ទឹង ខេត្តកណ្ដាល។
ជនរងគ្រោះ០២នាក់៖
១.ឈ្មោះ ផាន គីមហុង ភេទប្រុស អាយុ១៦ឆ្នាំ មានទីលំនៅភូមិស្រុកចេក ឃុំបឹងខ្យាង ស្រុកកណ្ដាលស្ទឹង ខេត្តកណ្ដាល មុខរបរ មុខរបរជាងឈេី។
២.ឈ្មោះ ពៅ លីណា ភេទស្រី អាយុ១៦ឆ្នាំ មុខរបរកម្មការនីរោងចក្រ មានទីលំនៅភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្ដាល។
ជនសង្ស័យ០៧ នាក់ (ឃាត់ខ្លួនបាន០៥នាក់ គេចខ្លួន០២នាក់)៖
១.ឈ្មោះ រ័ត្ន ភារៈ ប្រុស អាយុ១៥ឆ្នាំ មុខរបរ កម្មកររោងចក្រ មានទីលំនៅភូមិមាត់បឹងឃុំទ្រា ស្រុកកណ្ដាលស្ទឹង ខេត្តកណ្ដាល (ឃាត់ខ្លួន)។
២.ឈ្មោះ ហុីម ពិសី ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិ ដូនវង្ស ឃុំទ្រា ស្រុកកណ្ដាលស្ទឹង ខេត្តកណ្ដាល (ឃាត់ខ្លួន)។
៣.ឈ្មោះ សំ តុលា ភេទប្រុស អាយុ១៦ឆ្នាំ មុខរបរមិនពិតប្រាកដ មានមានទីលំនៅភូមិកាប់លាវ ឃុំទ្រា ស្រុកកណ្ដាលស្ទឹង ខេត្តកណ្ដាល (ឃាត់ខ្លួន)។
៤.ឈ្មោះ ម៉ាក សម្បត្តិ ភេទប្រុស អាយុ១៦ឆ្នាំ មុខរបរ សិស្ស មានទីលំនៅភូមិជ្រលង ឃុំត្បែង ស្រុកកណ្ដាលស្ទឹង ខេត្តកណ្ដាល។ (ឃាត់ខ្លួន)
៥.ឈ្មោះ ប៊ិត សុខយី ភេទប្រុស អាយុ១៧ឆ្នាំ មុខរបរសិស្ស មានទីលំនៅភូមិខ្នារ ឃុំក្រាំងធ្នុង ស្រុកបាទី ខេត្តតាកែវ។ (ឃាត់ខ្លួន)
វត្ថុតាងចាប់យករួមមាន៖
-ម៉ូតូ ០៤ គ្រឿង
១.ម៉ាក Honda Scoopy i ពណ៌ទឹកប៊ិក ស៊េរីឆ្នាំ២០២០ គ្មានស្លាកលេខ (ត្រូវជនស.ង្ស័.យដោះបោះចោល) របស់ជនរងគ្រោះគ្រោះ ។
២.ម៉ាក Honda Dream C125 ពណ៌ខ្មៅ ស៊េរីឆ្នាំ២០២២ ពាក់ស្លាកលេខ កណ្ដាល 1AD-3126។
៣.ម៉ាក Honda Dream C125 ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ 1GI-5094។
៤.ម៉ាក Honda Dream C125 ពណ៌ខ្មៅ ស៊េរីឆ្នាំ២០២០ ពាក់ស្លាកលេខ កណ្ដាល 1AI-6886។
-ទូរស័ព្ទដៃ ចំនួន ០៤គ្រឿង
១.ម៉ាក IPHONE 7 Plus ពណ៌ខ្មៅ។
២.ម៉ាក OPPO A17 ពណ៌ខ្មៅ។
៣.ម៉ាក OPPO A19 ពណ៌ ទឹកប៊ិក។
៤.ម៉ាក OPPO ពណ៌ទឹកមាស។
-កាំបិតផ្គាក់ ដងឬស្សី ផ្លែដែក ប្រវែង៨០សង់ទីម៉ែត្រ។
-កាំបិតកាចែត ដងដែក ផ្លែដែក ប្រវែង៣៧សង់ទីម៉ែត្រ។
គួរបញ្ជាក់ថានៅថ្ងៃទី២៩ ខែមេសា ឆ្នាំ២០២៣ វេលាម៉ោង២០:២០នាទី ជន.រ.ង.គ្រោះកំពុងនៅផ្ទះ ពេលនោះមិត្តភ័ក្ដិ០២នាក់ទៀត ឈ្មោះ នុត ភេទប្រុស អាយុ១៧ឆ្នាំ រស់នៅភូមិ ព្រៃតាថុក ឃុំព្រែកស្លែង និងឈ្មោះ អ៊ែម ភេទប្រុស អាយុ១៥ឆ្នាំ រស់នៅភូមិព្រៃតាតូច ឃុំបឹងខ្យាង បានជិះម៉ូតូមកយកខ្លួនទៅមេីលល្ខោននៅវត្ត កោះសុក្រំ ស្ថិតនៅឃុំទ្រា រហូតដល់ម៉ោង ២១:២០នាទី ជនរងគ្រោះនិងមិត្តភ័ក្តិបានត្រឡប់មកផ្ទះវិញ ពេលទៅដល់ផ្ទះជនរងគ្រោះបានយកម៉ូតូរបស់ខ្លួនខាងលើឌុបមិត្តភ័ក្ដិឈ្មោះ នុត ទៅលេងមាត់ទន្លេតាខ្មៅដេីម្បីជួបសង្សារ រហូតដល់ម៉ោង ២៣:០៥នាទី ជនរងគ្រោះបានឌុបសង្សាររបស់ខ្លួនខាងលេី និងឈ្មោះ នុត ត្រឡប់មកវិញ ពេលជនរងគ្រោះគ្រោះជូនឈ្មោះ នុត ដល់ផ្ទះខ្លួននិងមិត្តភ័ក្ដិបាននាំគ្នាផឹកស្រាបៀរអស់ ០៨កំប៉ុង។ លុះដល់ម៉ោង០១:២០នាទីឈានចូលថ្ងៃទី៣០ ខែឆ្នាំដដែល ជនរងគ្រោះបានឌុបសង្សាររបស់ខ្លួនទៅចេញពីផ្ទះឈ្មោះ នុត ទៅលេងចែឈ្មោះ ញ៉ាញ ដែលធ្វើការនៅហាង KTV យីហោ ម៉ន រតនា ពេលទៅទៅដល់ឈ្មោះ ញ៉ាញ កំពុងជាប់រវល់ជនរងគ្រោះគ្រោះ និងសង្សារបានអង្គុយលេងប្រហែល១០នាទី ខ្លួននិងសង្សារបានជិះម៉ូតូត្រឡប់ទៅផ្ទះវិញតាមបណ្ដោយផ្លូវជាតិលេខ២ រហូតទៅដល់កន្លែងកេីតហេតុស្រាប់តែបក្ខពួករបស់ជនសង្ស័.យខាងលេី បានធ្វើសកម្មភាពកាប់ទៅលេីជនរងគ្រោះមួយកាំបិតផ្គាក់ចំដេីមដៃខាងឆ្វេង តែមិនមុតភ្លាមនោះជនរងគ្រោះបានផ្តួលម៉ូតូរត់ចូលក្នុងភូមិឲ្យគេជួយ ពេលនោះជនរងគ្រោះបានស្គាល់បក្ខពួករបស់ជនសង្ស័យ០២នាក់ រួចបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបឹងខ្យាង ពេលទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលបឹងខ្យាង សហការជាមួយកម្លាំងជំនាញផ្នែកព្រហ្មទណ្ឌស្រុកកណ្ដាលស្ទឹង ធ្វើការស្រាវជ្រាវឃាត់ខ្លួនជនសង្ស័យ ០៥នាក់ រួមទាំងវត្ថុតាងបញ្ជូនទៅកាន់អធិការដ្ឋាននគរបាលស្រុកកណ្ដាលស្ទឹង ដេីម្បីធ្វើសាកសួរ។
ក្រោយការសាកសួរជនសង្ស័យទាំង ០៥នាក់ បានសារភាពចំពោះមុខសមត្ថកិច្ចថា៖ ខ្លួន និងបក្ខពួកបានជិះម៉ូតូ០៣មួយគ្រឿងខាងលេី ទៅយកកាំបិតផ្គាក់ និងកាំបិតកាចែត ចេញពីផ្ទះរបស់ឈ្មោះ រ៉ា គឹមហុង ស្ថិតនៅភូមិដំរីស្លាប់ ឃុំទ្រាដោយជនសង្ស័យឈ្មោះ រ័ត្ន ភារ: ជាអ្នកបេីកម៉ូតូ ឌុបឈ្មោះ រ៉ា គីមហុង ជិះក្រោយដាក់កាំបិតផ្គាក់ លេីពូកម៉ូតូហេីយអង្គុយលេី ជនសង្ស័យឈ្មោះ សំ តុលា ជិះម៉ូតូមួយឌុបឈ្មោះ ហុីម ពិសី កាន់កាំបិតកាចែត អង្គុយពីក្រោយ ចំណែកជនសង្ស័យឈ្មោះ ប៊ិត សុខយី ជិះម៉ូតូមួយគ្រឿងឌុបឈ្មោះ ម៉ាក សម្បត្តិ ជិះពីក្រោយ។ ពេលនោះជនសង្ស័យឈ្មោះ រ៉ា គីមហុង បានប្រាប់ក្រុមខ្លួនថាទៅហូបបង្អែម រួចក្រុមជនសង្ស័យបានជិះម៉ូតូកាត់តាមមុខវត្តកោះសុក្រំ ឆ្ពោះទៅផ្លូវជាតិលេខ២ ពេលជិះដល់ផ្លូវជាតិលេខ២ ចំណុចព្រំប្រទល់ស្រុកបាទី ក្រុមជនសង្ស័យបានបត់មកទិសខាងជេីងតាមបណ្តោយផ្លូវជាតិ២ រហូតដល់ចំណុចកេីតហេតុខាងលើ ក្រុមជនសង្ស័យបានឃេីញជនរងគ្រោះជិះម៉ូតូមួយគ្រឿងខាងលេី មានគ្នា០២នាក់ ភ្លាមនោះឈ្មោះ រ័ត្ន ភារ: បានជិះម៉ូតូទៅកក្បែរ ហេីយជនសង្ស័យឈ្មោះ រ៉ា គឹមហុង បានយកកាំបិតផ្គាក់កាប់ទៅលេីជនរងគ្រោះចំដេីមដៃខាងឆ្វេង ឃេីញដូចនោះជនរងគ្រោះបានផ្តួលម៉ូតូរត់ ហេីយជនសង្ស័យឈ្មោះ រ័ត្ន ភារៈ បានចុះទៅលើកម៉ូតូរបស់ជនរងគ្រោះ ហេីយនាំគ្នាជិះម៉ូតូគេចខ្លួនមកផ្ទះរបស់ឈ្មោះ រ៉ា គីមហុង ពេលទៅផ្ទះរបស់ឈ្មោះ រ៉ា គីមហុង ឈ្មោះ រ័ត្ន ភារៈ ឈ្មោះ សំ តុលា ឈ្មោះ ហុីម ពិសី និងឈ្មោះ រ៉ា គីមហុង បានជិះម៉ូតូជនរងគ្រោះចូលក្នុងផ្ទះ ដោយឡែកឈ្មោះ ម៉ាក សម្បត្តិ, ឈ្មោះ ប៊ិត សុខយី បានជិះម៉ូតូទៅផ្ទះរបស់ខ្លួនបាត់ទៅ។ ពេលនោះឈ្មោះ រ័ត្ន ភារៈ បានជិះម៉ូតូចេញពីផ្ទះ រ៉ា គឹមហុង ទៅផ្ទះរបស់ខ្លួន ដោយឈ្មោះ ហុង បានដោះស្លាកកលេខរបស់ជនរងគ្រោះបោះចោល មួយសន្ទុះក្រោយមកជនសង្ស័យឈ្មោះ រ័ត្ន ភារៈ បានដឹកឈ្មោះ យឿន វិសាល មកផ្ទះរបស់ឈ្មោះ រ៉ា គឹមហុង វិញរួចបានយកម៉ូតូរបស់ជនរងគ្រោះទៅលាក់ទុកក្នុងរោងចិញ្ចឹមមាន់ទុកចោលមួយកន្លែងស្ថិតនៅភូមិ ត្រពាំងបារគូ ឃុំ ត្រពាំងវែងវែង រួចនាំគ្នាទៅផ្ទះរៀងខ្លួន។
បច្ចុប្បន្នជនសង្ស័យរួមទាំងវត្ថុតាងកំពុងឃាត់ខ្លួននៅអធិការដ្ឋាននគរបាលស្រុកកណ្ដាលស្ទឹង ដេីម្បីកសាងសំណុំរឿងតាមនីតិវិធី៕
ប្រភព៖ នាយកដ្ឋានផ្សព្វផ្សាយអប់រំ
