ឃាត់ខ្លួនជនសង្ស័យ ២នាក់​ ក្រោយធ្វើសកម្មភាពលួចម៉ូតូ

មុនកើតហេតុម្ចាស់ម៉ូតូដែលជនរងគ្រោះបានជិះម៉ូតូមក ប្រមូលប្រាក់ពីប្រពលរដ្ឋ ចំណុចភូមិឃុំកើតខាងលើ ក្រោយមកត្រូវបានក្រុមចោលកាច់ករម៉ូតូ យកទៅបាត់។ ក្រោយកើតហេតុកម្លាំងជំនាញ បានធ្វើការស្រាវជ្រាវ និងតាមការពិនិត្យ កាមេរ៉ាសុវត្ថិភាព កម្លាំងបានកំណត់មុខសញ្ញាជនសង្ស័យចំនួន២នាក់។ លុះដល់ម៉ោង១៩.៣០នាទីថ្ងៃខែឆ្នាំដដែល បានឃាត់មុខសញ្ញាសង្ស័យ នៅចំណុចផ្លូវជាតិលេខ៥ ស្ថិតនៅភូមិក្រាំងពន្លៃ ឃុំវាំងចាស់ ស្រុកឧដុង្គ ខេត្តកំពង់ស្ពឺ។

១ .ឈ្មោះ អ៊ុន ប្រុស ភេទប្រុស អាយុ៣៥ឆ្មាំ រស់នៅភូមិត្បែងខ្ពស់ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង។

២ ឈ្មោះ កែវ គីមហួត (ហៅខ្មៅ) ភេទប្រុស អាយុ២៥ ឆ្នាំរស់នៅភូមិព្រែកធំ ឃុំព្រែកធំ ស្រុកពាមជរ ខេត្តព្រៃវែង។

តាមចម្លើយសារភាពរបស់ជនសង្ស័យខាងលើ បានសារភាពថា ពួកគេពិត ជាបានចូលលួចកាច់ករម៉ូតូជនរងគ្រោះ ពិតប្រាកដមែន។ ក្រោយលួចបានពួកគេ ជិះម៉ូតូ យកទៅលក់តាមផ្លូវ ស្ទឹងមានជ័យ រាជធានីភ្នំពេញ ដោយដូរគ្រឿងញៀន១កញ្ចប់ និងលុយ៦០មុឺនរៀល (ដោយលក់អោយក្រុមគ្រឿងញៀន)។ ពេលលក់បានលុយពួកគេនាំគ្នាផឹងសុីនៅក្រុងភ្នំពេញ ក្រោយមកត្រឡប់មកវិញ មកដល់ចំណុចផ្លូវជាតិលេខ៥ភូមិក្រាំងពន្លៃ ឃុំវាំងចាស់ ទើបសមត្ថកិច្ចឃាត់ខ្លួនបានតែម្តង។ វត្ថុតាងដកហូតបានរួមមាន: ម៉ូតូសំរាប់ជិះធ្វើសកម្ម ភាព១គ្រឿងគ្រឿងញៀន១កញ្ចប់តូច .ទូរស័ព្ទដៃ២គ្រឿងនិងសំភារៈសំរាប់កាច់ករម៉ូតូមួយចំនួន។

បច្ចុប្បន្នជនសង្ស័យខាងលើ ត្រូវបានឃាត់ខ្លួន បញ្ជូនទៅស្នងការរដ្ឋាននគរបាលខេត្តកំពង់ស្ពឺចាត់ការតាមនីតិវិធី៕

ប្រភព៖ អធិការដ្ឋាននគរបាលស្រុកឧដុង្គ