កណ្ដាល៖ នៅថ្ងៃអាទិត្យ ១២រោច ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៦ ខែមិថុនា ឆ្នាំ២០២២ នៅវេលាម៉ោង១នឹង៥០នាទី មានករណីលួចមានស្ថានទម្ងន់ទោស(កាប់យកម៉ូតូ) នៅចំណុចដីឡូដ៏ ស្ថិតនៅភូមិសន្លុង ឃុំសន្លុង ស្រុកខ្សាច់កណ្ដាល ខេត្តកណ្ដាល។
ជនរងគ្រោះ០១នាក់ មានឈ្មោះ និវឌ្ឍន៍ បញ្ញា ហៅ វីត ភេទប្រុស អាយុ២២ ឆ្នាំ ជនជាតិខ្មែរ មុខរបរកសិករ មានទីលំនៅភូមិឈូក ឃុំសន្លុង ស្រុកខ្សាច់កណ្តាល ខេត្តកណ្តាល។ សំភារៈបាត់បង់ រួមមានម៉ូតូ០១គ្រឿង ម៉ាក់ហុងដាC125 ពណ៌ខ្មៅ ស៊េរី២០២១ ពាក់ផ្លាកលេខ កណ្តាល.1AM-3199 (កាំបន្ទៈពណ៌ស)។
ជនសង្ស័យ០៥នាក់៖
១.ឈ្មោះឆក់ ឆៃ ភេទប្រុសអាយុ២៦ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅភូមិ សេដា ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ឃាត់ខ្លួន(ថ្ងៃ០៥ ខែមេសា ឆ្នាំ២០២៣ ម៉ោង១៩នឹង០០នាទី)
២-ឈ្មោះយាន ស្រស់ ភេទប្រុសអាយុ២១ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅភូមិឃ្លាំងមឿងត្បូងឃុំ ព្រែកអំពិល ស្រុកខ្សាច់កណ្តាល ខេត្តកណ្តាល (ឃាត់ខ្លួន ថ្ងៃ០៥ ខែមីនា ឆ្នាំ២០២៣ ) បទជួញដូរដោយខុសច្បាប់នូវសារធាតុញៀន ជាប់ពន្ធាគារខេត្តកណ្តាល)
៣-ឈ្មោះណុល ឧត្តម ភេទប្រុសអាយុ១៩ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅភូមិព្រែកអំពិលឃុំ ព្រែកអំពិល ស្រុកខ្សាច់កណ្តាល ខេត្តកណ្តាល(ឃាត់ខ្លួន ថ្ងៃទី២៣ ខែ០៣ ឆ្នាំ២០២៣ បទជួញដូរដោយខុសច្បាប់នូវសារធាតុញៀន ជាប់ពន្ធាគារខេត្តកណ្តាល)
៤.ឈ្មោះ ហ័ង ភេទប្រុសអាយុ១៩ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅភូមិ ស្វាយមាស ឃុំ វិហារសួគ៌ ស្រុកខ្សាច់កណ្តាល ខេត្តកណ្តាល (រត់គេចខ្លួន)
៥.ឈ្មោះ ដែន មិនស្គាស់ទីលំនៅ (គេចខ្លួន)
គួរបញ្ជាក់ថាថ្ងៃខែឆ្នាំកើតហេតុខាងលើ ជនរងគ្រោះបានជិះម៉ូតូរបស់ខ្លួនចេញពីផ្ទះទៅផឹកសុីជាមួយមិត្តភក្តិ នៅក្នុងក្រុមហ៊ុន7NG ស្ថិតនៅភូមិព្រៃចាស់ ឃុំវិហារសួគ៌ លុះដល់ពេលវេលាម៉ោង១:៣០នានីឈានចូលថ្ងៃទី២៦ ខែមិថុនា ឆ្នាំ២០២២ ជនរងគ្រោះ និងមិត្តភក្ក័ឈ្មោះ គាន់ ម៉េងគ័ង ភេទប្រុស និង ភាព ចិត្រា ឈ្មោះ ម៉ៅ ម៉េន ភេទប្រុស និង០៤នាក់ទៀតមិនស្គាល់ឈ្មោះបាននាំគ្នាជិះម៉ូតូ០៣គ្រឿងចេញពី7NG មកអង្គុយលេងនៅដីឡូដ៏ជាកន្លែងកើតហេតុ បាន បន្តិចក្រោយមកស្រាប់តែក្រុមជនសង្ស័យមានគ្នា៥នាក់ ជិះម៉ូតូពីរគ្រឿងចូលទៅកាប់ក្រុមជនរងគ្រោះ ក្នុងនោះក្រុមជនសង្ស័យបានយកម៉ូតូរបស់ជនរងគ្រោះឈ្មោះ និវឌ្ឍន៍ បញ្ញាបាន១គ្រឿង។
លុះដល់ថ្ងៃទី២៧ ខែមិថុនា ឆ្នាំ២០២២ ជនសង្ស័យឈ្មោះ ដែន ជិះយកទៅភ្នំពេញបាត់ ដល់ថ្ងៃទី២៣ ខែមីនា ឆ្នាំ២០២៣ ផ្នែកប្រឆាំងគ្រឿងស្រុកខ្សាច់កណ្តាល ឃាត់ខ្លួនឈ្មោះ ណុល ឧត្តម ពីបទជួញដូរនូវសារធាតុញៀន ក្រោយពីបញ្ជូនដល់ពន្ធនាគារខេត្តកណ្តាល ឈ្មោះ ណុល ឧត្តម បានឆ្លើយសារភាពថា ៖ ខ្លួនបានប្រព្រិត្តប្លន់ម៉ូតូ នៅឃុំសន្លុងកាលពីថ្ងៃទី២៦ ខែមិថុនា ២០២២ ក្រោយពីទទួលចម្លើយសារភាពរបស់ឈ្មោះឧត្តម កម្លាំងផ្នែកនគរបាលយុត្តិធម៌ស្រុក សហការជាមួយកម្លាំងប៉ុស្តិ៍សន្លុង ចុះស្រាវជ្រាវ រហូតឈានទៅឃាត់ខ្លួនឈ្មោះ ឆក់ ឆៃ នៅថ្ងៃទី០៥ ខែមេសា ឆ្នាំ២០២៣។ បច្ចុប្បន្នសមត្ថកិច្ចនគរបាលខេត្តកណ្ដាល កំពុងកសាងសំណុំរឿងចាត់ការបន្តតាមនីតិវិធីច្បាប់៕
ប្រភព៖ នាយកដ្ឋានផ្សព្វផ្សាយអប់រំ
