ព្រះសីហនុ៖ លោឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអោយដឹងថានគរបាលជំនាញ បានឃាត់ខ្លួនជនសង្ស័យ៣នាក់ ដែលធ្វើសកម្មភាពលួចមានស្ថានទម្ងន់ទោស (វាយកញ្ចក់រថយន្តលួចយកលុយ និងសម្ភារមានតម្លៃ) ចំនួន ០៣ករណី និង លួចផ្លាកលេខរថយន្ត ចំនួន ០២ករណី នៅព្រឹកថ្ងៃទី០៤ ខែមេសា ឆ្នាំ២០២៣។
សូមបញ្ជាក់ថា កាលពីថ្ងៃទី០៣ ខែមេសា ឆ្នាំ២០២៣ វេលាម៉ោងប្រហែល ១១ និង ២៥នាទី នៅចំណុចតំបន់សេដ្ឋកិច្ចពិសេស កំពង់ផែក្រុងព្រះសីហនុ ស្ថិតនៅ ភូមិ៣ សង្កាត់៣ ក្រុង-ខេត្តព្រះសីហនុ មានករណី អំពើលួចមានស្ថានទម្ងន់ទោស (វាយកញ្ចក់រថយន្តលួចយកលុយ និងសម្ភារមានតម្លៃ) មួយបានកើតឡើង បង្កដោយជ…នស…ង្ស័យ មិនស្គាល់អត្តសញ្ញាណ ជាជនជាតិចិន បានធ្វើសកម្មភាព វាយបំបែកកញ្ចក់រថយន្តរបស់ប្រជាពលរដ្ឋ ដែលចតទុកនៅមុខតំបន់សេដ្ឋកិច្ចពិសេស កំពង់ផែក្រុងព្រះសីហនុ រួចលួចយកកាបូបលុយរបស់ប្រជាពលរដ្ឋដែលនៅក្នុងរថយន្ត ដោយក្នុងកាបូបនោះមាន៖
-លុយខ្មែរចំនួន ២០,០០០,០០០៛ (ម្ភៃលានរៀល)
-លុយប្រទេសអាស៊ានចំរុះគ្រប់ប្រភេទមួយចំនួន
-ប័ណ្ណសម្គាល់យានយន្ត ០១សន្លឹក
-ប័ណ្ណបើកបរ ០១សន្លឹក
-កាតធនាគារ ០៥សន្លឹក
-ឯកសារ និងសម្ភារមួយចំនួន ។
បន្ទាប់ពីទទួលបានបណ្តឹងរបស់ជនរងគ្រោះ កម្លាំងការិយាល័យនគរបាលព្រហ្មទណ្ឌកម្រិតស្រាល បានសហការណ៍ជាមួយកម្លាំងអធិការដ្ឋាននគរបាលក្រុងព្រះសីហនុ បានធ្វើការស្រាវជ្រាវយ៉ាងយកចិត្តទុកដាក់ រហូតដល់ថ្ងៃទី ០៤ ខែមេសា ឆ្នាំ២០២៣ វេលាម៉ោង ០៨ និង ៣០នាទី ព្រឹក ដោយមានការចង្អុលបង្ហាញពី លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងសមត្ថកិច្ចយើងធ្វើការបង្ក្រាបបានទាំងស្រុង ដោយចាប់ឃាត់ខ្លួនបានជនសង្ស័យចំនួន ០៣នាក់ ភេទប្រុស ជនជាតិចិន នៅចំណុច ភូមិ២ សង្កាត់៤ ក្រុង-ខេត្តព្រះសីហនុ ។
-ជនសង្ស័យទាំង ០៣នាក់ មានឈ្មោះដូចខាងក្រោម៖
១-ឈ្មោះ SHEN AO ភេទប្រុស ជនជាតិចិន មុខរបរ មិនពិតប្រាកដ ស្នាក់នៅ ភូមិ២ សង្កាត់៤ ក្រុង-ខេត្តព្រះសីហនុ ។
២-ឈ្មោះ JIN CHANGGE ភេទប្រុស ជនជាតិចិន មុខរបរ មិនពិតប្រាកដ ស្នាក់នៅ ភូមិ២ សង្កាត់៤ ក្រុង-ខេត្តព្រះសីហនុ ។
៣-ឈ្មោះ LI HONGYUAN ភេទប្រុស ជនជាតិចិន មុខរបរ មិនពិតប្រាកដ ស្នាក់នៅ ភូមិ២ សង្កាត់៤ ក្រុង-ខេត្តព្រះសីហនុ ។
+វត្ថុតាងចាប់យកបាន៖
-លុយខ្មែរចំនួន ២០,០០០,០០០៛ “ម្ភៃលានរៀល” (ផលនៃអំពើចោរកម្ម)
-លុយប្រទេសអាស៊ានចំរុះគ្រប់ប្រភេទមួយចំនួន (ផលនៃអំពើចោរកម្ម)
-ផ្លាកលេខរថយន្ត ០២គូ (ផលនៃអំពើចោរកម្ម)៖
១-បាត់ដំបង 2D-9008
២-កែប 2B-2122 ។
-រថយន្ត ០១គ្រឿង ម៉ាក TOYOTA CAMRY ស៊េរីឆ្នាំ២០០៧ ពណ៌ស ផ្លាកលេខៈ ភ្នំពេញ 2BH-1287 (មធ្យោបាយ)
-ទល់រឺវីស ០២ដើម (ឧបករណ៍ប្រព្រឹត្តិបទល្មើស)
-ដង្កាប់ ០១ដើម (ឧបករណ៍ប្រព្រឹត្តិបទល្មើស)
-កាំ…បិ…ត ០១ដើម (ឧបករណ៍ប្រព្រឹត្តិបទល្មើស)
-ឧបករណ៍វាយបំបែកកញ្ចក់រថយន្ត ០១ដើម (ឧបករណ៍ប្រព្រឹត្តិបទល្មើស)
-សោរច្នៃសម្រាប់កាច់បំបែកសោររថយន្ត ១៤ដើម (ឧបករណ៍ប្រព្រឹត្តិបទល្មើស)
-ស្រោមដៃ ០៤គូរ (ឧបករណ៍ប្រព្រឹត្តិបទល្មើស)
-កាបូបសំលៀកបំពាក់ ០១ មានសំលៀកបំពាក់ និងរបស់ប្រើប្រាស់មួយចំនួន
-វ៉ាលីសំលៀកបំពាក់ ០១ មានសំលៀកបំពាក់ និងរបស់ប្រើប្រាស់មួយចំនួន ។
បន្ទាប់ពីធ្វើការសាកសួរ ជនសង្ស័យបានសារភាពថាៈ ពួកគាត់ធ្លាប់ធ្វើសកម្មភាពវាយកញ្ចក់រថយន្ត លួចយកកាបូបលុយសម្ភារ និងលួចដោះយកផ្លាកលេខរថយន្ត សរុបចំនួន ០៥លើក ក្នុងនោះមាន៖
+វាយកញ្ចក់រថយន្ត លួចយកកាបូបលុយ និងសម្ភារ ចំនួន ០៣លើក៖
-លើកទី១ នៅថ្ងៃទី ១៩ ខែមីនា ឆ្នាំ២០២៣ នៅចំណុចផ្លូវឆ្នេរឯករាជ្យ ស្ថិតនៅ ភូមិ១ សង្កាត់៣ ក្រុង-ខេត្តព្រះសីហនុ ។
-លើកទី២ នៅថ្ងៃទី ០២ ខែមេសា ឆ្នាំ២០២៣ នៅចំណុចឆ្នេរអូរត្រេះ ស្ថិតនៅ ភូមិ៦ សង្កាត់៤ ក្រុង-ខេត្តព្រះសីហនុ ។
-លើកទី៣ នៅថ្ងៃទី ០៣ ខែមេសា ឆ្នាំ២០២៣ នៅចំណុចមុខតំបន់សេដ្ឋកិច្ចពិសេសកំពង់ផែ ស្ថិតនៅ ភូមិ៣ សង្កាត់៣ ក្រុង-ខេត្តព្រះសីហនុ ។
+លួចដោះយកផ្លាកលេខរថយន្តចំនួន ០២លើក៖
-លើកទី១ នៅថ្ងៃទី ២៤ ខែមីនា ឆ្នាំ២០២៣ លួចយកផ្លាកលេខរថយន្តមួយគូ (កែប 2B-2122) នៅចំណុចក្រុមទី៨ ភូមិ២ សង្កាត់៤ ក្រុង-ខេត្តព្រះសីហនុ ។
-លើកទី២ នៅអំឡុងចុងខែមីនា ឆ្នាំ២០២៣ លួចយកផ្លាកលេខរថយន្តមួយគូ (បាត់ដំបង 2D-9008) នៅខេត្តបាត់ដំបង ។
ចំពោះជនសង្ស័យខាងលើ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីផ្តន្ទាទោសតាមផ្លូវច្បាប់៕
ប្រភព៖ ឡេង ប៊ុននី Leng Bunny
