កំពង់ស្ពឺ ៖ នៅថ្ងៃទី០១ ខែមេសា ឆ្នាំ២០២៣ នៅលើផ្លូវលេខ១៤៣ ត្រង់ចំណុចភូមិបិល ឃុំស្គុះ ស្រុកសំរោងទង ខេត្តកំពង់ស្ពឺ មានរថយន្ត ១គឿងម៉ាក DAEWOO ពណ៌ស ពាក់ស្លាកលេខភ្នំពេញ 3F-5688 ( រថយន្តមន្ទីរសារធារណការណ៍ខេត្តកំពង់ស្ពឺ) បើកបរដោយឈ្មោះ ម៉ម វិរៈ ភេទប្រុស អាយុ ២០ឆ្នាំ រស់នៅភូមិកំណប់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ បើកបរពីទិសខាងត្បូងទៅទិសខាងជើង លុះមកដល់ចំណុចខាងលើបានប៉ះម៉ូតូ ១គ្រឿង ម៉ាកហុងដាវ៉េវ ពណ៌ខ្មៅ គ្មានស្លាកលេខ បើកបរដោយឈ្មោះ ខៀវ ម៉ៅ ភេទប្រុស អាយុ ៥២ឆ្នាំ រស់នៅភូមិក្រាំង ឃុំស្គុះ ស្រុកសំរោងទង ខេត្តកំពង់ស្ពឺ ដែលកំពុងបើកបរបញ្ច្រាសទិសគ្នា រួចបត់ឆ្លងផ្លូវពីទិសខាងលិចទៅទិសខាងកើត បណ្តាលឲ្យគ្រោះថ្នាក់មនុស្ស និងខូចខាតសម្ភារដូចជា៖
– ស្លាប់មនុស្ស ១នាក់ប្រុស ( ខៀវ ម៉ៅ ) ពេលបញ្ជូនទៅមន្ទីរពេទ្យ
- ខូចខាតរថយន្ត ១គ្រឿងស្រាល
- ខូចខាតម៉ូតូ ១គ្រឿងធ្ងន់
- ចំពោះវត្ថុតាងទាំង២ រក្សាទុកនៅប៉ុស្តិ៍នគរបាលរដ្ឋបាលស្គុះ៕
ប្រភព៖ ការិយាល័យ ផ្សព្វផ្សាយអប់រំ ខេត្តកំពង់ស្ពឺ
