កំពង់ស្ពឺ ៖ នៅថៃ្ងទី៣០ ខែមីនា ឆ្នាំ២០២៣ កម្លាំងព្រហ្មទណ្ឌអធិការដ្ឋាននគរបាលស្រុកឧដុង្គ បានសហការជាមួយប៉ុស្ដិ៍នគរបាលរដ្ឋបាលជើងរាស់ ឃាត់ក្រុមក្មេងទំនើងមួយក្រុមជិះម៉ូតូ ០៣គ្រឿង មានយកតាមខ្លួននូវវត្ថុតាង កាំបិតចំនួន ០២ ធ្វើដំណើរនៅតាមផ្លូវលេខ ១៤៤០ ស្ថិតនៅភូមិអង្គតាបិក ឃុំជើងរាស់ ។
ក្រុមក្មេងទំនើងទាំងនោះបានសារភាពថាពួកគេយកកាំបិតទាំង២នេះ ទុកការពារនៅពេលសត្រូវវាយប្រហារក្រុមគេ ក្មេងទាំងនេះមានឈ្មោះ ៖ ១-ឈ្មោះ ដឿង សុខនាថ ភេទប្រុស អាយុ១៦ឆ្នាំ ២-ឈ្មោះ ហ៊ន កក្កដា ភេទប្រុស អាយុ១៩ឆ្នាំ ៣-ឈ្មោះ សល់ គ្រឹះស្នា ភេទប្រុស អាយុ១៥ឆ្នាំ ៤-ឈ្មោះ សាក់ គីមថា ភេទប្រុស អាយុ១៦ឆ្នាំ ៥-ឈ្មោះ អេង សុខខេង ភេទប្រុស អាយុ១៤ឆ្នាំ អ្នកទាំង៥នាក់រស់នៅភូមិបន្ទាយខ្មែរ ឃុំជើងរាស់ ស្រុកឧដុង្គ ខេត្តកំពង់ស្ពឺ ។
ដោយបានការធានាពីក្រុមគ្រួសារ អាណាព្យាបាល និងព្រមទទួលកំហុសហេីយសន្យាថានឹងមិនបង្កបញ្ហាណាមួយនៅក្នុងសង្គម សមត្ថកិច្ចបានប្រគល់ជូនមាតាបិតាក្មេងទំនើង ដេីម្បីយកទៅអប់រំបន្ដ ៕
ប្រភព៖ អគ្គស្នងការដ្ឋាននគរបាលជាតិ
