ស្វាយរៀង៖ ក្រុមការងារប្រតិកម្មរហ័សនៃអធិការដ្ឋាននគរបាលស្រុកស្វាយទាប មានកិត្តិយសធ្វើការឆ្លើយតបចំពោះផេកសារព័ត៌មានKH Plus News និងសារព៏ត៌មានផ្សេងៗ ទៀត ដែលបានធ្វេីការចុះផ្សាយនៅថ្ងៃទី១៥ ខែមីនា ឆ្នាំ២០២៣ វេលាម៉ោង ២៣:០០ នាទី ថា(មានករណីក្រុមជនសង្ស័យទាក់ខ្សែភ្លើងកាត់ផ្លូវពេលយប់ និងកន្លែងស្ងាត់ដេីម្បីត្រៀមធ្វើសកម្មភាពផ្សេងៗ ទៅលេីជនរងគ្រោះ ទីតាំងភូមិជប់ ឃុំកណ្តៀងរាយ ស្រុកស្វាយទាប ខេត្តស្វាយរៀងម៉ោង ១១:០០ យប់ បណ្តាលឲ្យជនរងគ្រោះរបួសដល់បីនាក់នៅខាងកេីតវត្តតានូ)ក្រោយពីទទួលបានព័ត៌មានខាងលើនៅថ្ងៃទី១៦ ខែមីនា ឆ្នាំ២០២៣វេលាម៉ោង ០៧:៣០នាទី សមត្ថកិច្ចនគរបាលនៃអធិការដ្ឋានគរបាលស្រុកស្វាយទាប ដឹកនាំដោយលោកវរសេនីយ៍ទោសោម សារ៉ន អធិការនគរបាលស្រុក បានចុះទៅដល់កន្លែងកើតហេតុដោយមានការចូលរួពីលោកជំទប់ឃុំ ក្រុមព្រឹក្សាឃុំ លោកមេភូមិជប់ និងប្រជាពលរដ្ឋរស់នៅជិតកន្លែងកើតហេតុ បានបំភ្លឺជូនសមត្ថកិច្ចយើងថា ខ្សែរភ្លើងនេះជាខ្សែរភ្លើងរបស់ឈ្មោះ ប៉ែន សាវ៉ាត ភេទប្រុស អាយុ ៥២ ឆ្នាំមុខរបរកសិកររស់នៅភូមិថ្មី ឃុំសំបួរ ស្រុកស្វាយទាប គាត់បានត ខ្សែរភ្លើងពីបង្គោលP75 រំលង់ផ្លូវទៅទិសខាងជើង និងបានដាក់បង្គោលរំលងផ្លូវដែរ តែក្រោយមកបង្គោលក៍បានពុកបាក់ធ្វើអោយធ្លាក់ខ្សែរភ្លើងទាបម្ខាងបណ្តាលអោយរថយន្តដឹកដីទាក់ខ្សែរភ្លើងនោះម្តងរួចមកហើយ។ ក្រោយមកទៀតក៍មានបងប្អូនរស់នៅជិតនោះបានប្រាប់ទៅឈ្មោះប៉ែន សាវ៉ាត ជាញឹកញាប់ដែរ អោយរកបង្គោលដាក់ខ្សែរភ្លើងឡើងវិញ តែឈ្មោះប៉ែន សាវ៉ាត នេះមិនព្រមរកបង្គោលមកដាក់ខ្សែរភ្លើងឡើយ ។រហូតមកដល់ថ្ងៃកើតហេតុខាងលើមានម៉ូតូជនរងគ្រោះជិះគ្នា ០៣ នាក់ វិលមកពីកម្មពិធីមង្គលការគេក៍ទាក់ ក បណ្តាលអោយដួលម៉ូតូរងរបួសតែម្តង។
ករណីនេះមិនមែនជាករណីចងខ្សែរភ្លើងកាត់ផ្លូវស្ទាក់ប្លន់យកទ្រព្យសម្បត្តិប្រជាពលរដ្នឡើយ គឺជាការធ្វេសប្រហេសរបស់ម្ចាស់ខ្សែរភ្លើង។ អាស្រ័យហេតុនេះសូមសាព័ត៌មាន និងសាធារណៈជនមេត្តាជ្រាបជាព័ត៌មាន ក្នុងនោះដែរក៍សូមអរគុណដល់សារព័ត៏មានKHPlus New និងសាព័ត៌មានផ្សេងៗ ទៀតដែលបានផ្សាយជាសាធារណៈ ។ សូមបងប្អូនប្រជាពលរដ្ឋចូលរួមគោរពច្បាប់ចរាចរណ៍ទាំងអស់គ្នា៕
ប្រភព៖ ស្នងការដ្ឋាននគរបាលខេត្តស្វាយរៀង
