កំពង់ស្ពឺ៖ ថៃ្ងព្រហស្បតិ៍ ១០ រោច ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៦ ខែមីនា ឆ្នាំ២០២៣ អនុវត្តតាមបញ្ជាលោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ ដាច់ខាតសន្ដិសុខមូលដ្ឋានត្រូវតែធានា ពិសេសក្មេងទំនើង នៅវេលាម៉ោង ២២និង១០នាទីយប់ ថ្ងៃទី១៥ ខែមីនា ឆ្នាំ២០២៣ កម្លាំងនគរបាលទទួលបានព័ត៌មានថាមានក្រុមក្មេងទំនេីងមួយក្រុមធ្វេីសកម្មភាពជិះម៉ូតូគប់រថយន្ដអ្នកដំណើរ តាមរយៈកិច្ចសហការផ្ដល់ព័ត៌មានពីគណនីហ្វេសប៊ុក messager បញ្ជាក់ថាក្រុមក្មេងទំនេីងទាំងនោះបានយកគ្រាប់ដែកបាញ់មកលេីរថយន្ដខ្លួនកំពុងតែធ្វេីដំណេីរលេីផ្លូវជាតិលេខ៤៤។
កម្លាំងអធិការដ្ឋាននគរបាលស្រុកឱរ៉ាល់បានល្បាតពួនស្ទាក់លេីចំណុចភូមិសាស្ដ្រផ្លូវជាតិលេខ៤៤ នៅវេលាម៉ោង២៣និង១០នាទី ត្រង់ចំណុចគីឡូម៉ែត្រ ៣៦-៣៧ ឃើញមុខសញ្ញាសង្ស័យក្រុមក្មេងជិះម៉ូតូ ២គ្រឿង ដូចសេចក្ដី រាយការណ៍ សមត្ថកិច្ចបានឃាត់សាកសួរនិងពិនិត្យ៖
-ម៉ូតូម៉ាកអ៊ិចស៊ីទ័រពណ៌ខៀវគ្មានឯកសារ ជិះគ្នាពីរនាក់
-ម៉ូតូម៉ាកហុងដាឌ្រីមពណ៌ខ្មៅស្លាកលេខកំពង់ស្ពឺ1I_4633 ជិះម្នាក់ឯង
សមត្ថកិច្ចឆែកឆេររកឃេីញឧបករណ៍សម្ភារៈរួមជាមួយកូនកាំបិតចុងស្រួច ១ ជំពាមកៅស៊ូ ២ គ្រាប់ជំពាម ៤គ្រាប់ ដុំថ្មច្រកថង់។
១.ឈ្មោះ សុខ រឹម ភេទ ប្រុស អាយុ ២០ ឆ្នាំ
២.ឈ្មោះ ណាង ចិន្ដា ភេទ ប្រុស អាយុ ១៩ ឆ្នាំ
៣.ឈ្មោះ វ៉េត សាវិន ភេទ ប្រុស អាយុ ១៩ ឆ្នាំ អ្នកទាំងបីមានទីលំនៅឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។
ការផ្ដល់ចម្លេីយចំពោះសមត្ថកិច្ច ថាពួកខ្លួនពិតជាបានធ្វើសកម្មភាពបាញ់គ្រាប់ជំពាមទៅលេីរថយន្តអ្នកដំណើរពិតប្រាកដមែន លេីសពីនោះធ្វើសកម្មភាពច្រើនលើកច្រើនសារមកហើយ ។ បច្ចុប្បន្នសមត្ថកិច្ចនគរបាលបានកសាងសំណុំរឿងបញ្ជូន ដេីម្បីបន្ដនីតិវិធី៕
ប្រភព៖ នាយកដ្ឋានផ្សព្វផ្សាយអប់រំ
