កណ្ដាល៖ នៅថ្ងៃចន្ទ ៧រោច ខែផល្គុនឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែមីនា ឆ្នាំ២០២៣ វេលាម៉ោង០៩ នឹង៥០នាទី នៅចំណុចភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោបល់របស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ឯកសុខ និមល នាយការិយាល័យនគរបាលប្រឆាំងគ្រឿងនៃស្នងការដ្ឋានបានដឹកនាំកម្លាំងការិយាល័យប្រឆាំងគ្រឿងញៀន ចុះប្រតិបត្តិការ បង្ក្រាបបានករណីរក្សាទុកដោយខុស ច្បាប់នូវសារធាតុញៀន០១ករណី ក្នុងបទល្មើសជាក់ស្តែង និងឃាត់ខ្លួនជនសង្ស័យបានចំនួន ០៧នាក់ ស្រី ០៥នាក់ មានឈ្មោះដូចខាងក្រោម៖
១-ឈ្មោះ សាយ សុផាន់ណា ភេទស្រី អាយុ១៦ឆ្នាំ មានទីលំនៅភូមិពាមតា ឃុំតាតោក ស្រុកសំឡូត ខេត្តបាត់ដំបង ។
២-ឈ្មោះ សាយ សុផានី ភេទស្រី អាយុ១៨ឆ្នាំ មានទីលំនៅភូមិពាមតា ឃុំតាតោក ស្រុកសំឡូត ខេត្តបាត់ដំបង ។
៣-ឈ្មោះ វី ស្រីនុន ភេទស្រី អាយុ១៦ ឆ្នាំ មានទីលំនៅភូមិអូរត្រែង ឃុំតាតោក ស្រុកសំឡូត ខេត្តបាត់ដំបង ។
៤-ឈ្មោះ វាសនា ឆវី ភេទស្រី អាយុ ១៨ឆ្នាំ មានទីលំនៅភូមិបាដាក ឃុំរស្មីសង្ខារ ស្រុករតនមណ្ឌល ខេត្តបាត់ដំបង ។
៥-ឈ្មោះ អ៉ី ចាន់សុធា ភេទស្រី អា យុ១៩ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង ។
៦-ឈ្មោះ ប៉ាន សាម៉ៃ ភេទប្រុស អា យុ១៦ឆ្នាំ មានទីលំនៅភូមិបឹងរុន ឃុំសំឡូត ស្រុកសំឡូតខេត្តបាត់ដំបង ។
៧-ឈ្មោះ ឆាំ ឆាតភេទប្រុស អាយុ ១៧ឆ្នាំ មានទីលំនៅភូមិបឹងរុន ឃុំសំឡូត ស្រុកសំឡូត ខេត្តបាត់ដំបង ។
វត្ថុតាងចាប់យកបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០៣ថង់ ទម្ងន់ ៥,០១ក្រាម
-ទូរស័ព្ទដៃចំនួន ០៥គ្រឿង(ចាស់) ។
ជនសង្ស័យនឹងវត្ថុតាង បច្ចុប្បន្នបាននិងកំពុងរៀបចំសំណុំរឿងបញ្ចូនទៅ សាលាដំបូងខេត្តបាត់ដំបង អនុវត្តទោសទៅតាមផ្លូវច្បាប់៕
ប្រភព៖ នាយកដ្ឋានផ្សព្វផ្សាយអប់រំ
