បាត់ដំបង៖ សមត្ថកិច្ចនគរបាលស្រុកកំរៀង បានទទួលបានពាក្យបណ្ដឹង មានករណីលួច (ដែកសំណាញ់លួស) កាលពីថ្ងៃទី០៩ ខែមីនា ឆ្នាំ២០២៣ វេលាម៉ោង ២១និង១០នាទី នៅចំណុចក្នុងចំការក្រុមទី០១ ភូមិសាមសិប ឃុំតាក្រី ស្រុកកំរៀង ខេត្តបាត់ដំបង របស់ជនរងគ្រោះឈ្មោះ សោម គឹមស្រេង ភេទប្រុស អាយុ៣៦ឆ្នាំ រស់នៅភូមិសាមសិប ឃុំតាក្រី ស្រុកកំរៀង ខេត្តបាត់ដំបង មានមុខរបរ កសិករ ។
ក្រោយពេលទទួលបានពាក្យបណ្តឹងនេះ សមត្ថកិច្ចនគរបាលស្រុកកំរៀង សហការជាមួយកម្លាំងប៉ុស្តិ៍នគរបាលរដ្ឋបាលតាក្រី បានធ្វើការស្រាវជ្រាវស៊ើបអង្កេត រហូតឈានទៅកំណត់មុខសញ្ញាបាន ឃាត់ខ្លួនជនសង្ស័យចំនួន ០២នាក់ ១.ឈ្មោះ យួម ប៊ុនធាន ភេទប្រុស អាយុ៤០ឆ្នាំ មុខរបរ មិនពិតប្រាកដ រស់នៅភូមិកំពង់ចម្លងលើ ឃុំតាក្រី ស្រុកកំរៀង ខេត្តបាត់ដំបង (មុខសញ្ញាចាស់) និង២.ឈ្មោះ មាក់ មឿន ភេទប្រុស អាយុ២២ឆ្នាំ មុខរបរ កម្មករ រស់នៅភូមិកំប្រង់ ឃុំតាក្រី ស្រុកកំរៀង ខេត្តបាត់ដំបង។
សមត្ថកិច្ចបានដកហូតវត្ថុតាងរួមមានរួមមាន ដែកសំណាញ់លួសចំនួន ០៤ដុំ និងរទេះអូសចំនួន ០១ ។ នៅពេលនេះ សមត្ថកិច្ចនគរបាលស្រុក បានរៀបចំសំណុំរឿងបញ្ជូនមកផែនជំនាញ ដើម្បីអនុវត្តបន្តតាមនីតិវិធី-ច្បាប់៕
ប្រភព៖ អគ្គស្នងការដ្ឋាននគរបាលជាតិ
