ភ្នំពេញ៖ មានករណី លួចម៉ូតូ នៅក្រោយភោជនីយ៍ដ្ឋានសាគូរ៉ាបូហ្វេ មហាវិថីព្រះមុន្នីវង្ស ភូមិ៩ សង្កាត់បឹងកេងកង៣ ខណ្ឌបឹងកេងកង ថ្ងៃទី២០ ខែកុម្ភៈ ឆ្នាំ២០២៣ នៅម៉ោង០៤និង៣០នាទី។ ដោយជនរងគ្រោះឈ្មោះសែ គីមស៊ុន ភេទប្រុស អាយុ២១ឆ្នាំ ជនជាតិខ្មែរ មុខរបរ បុគ្គលិកភោជនីយ៍ដ្ឋាន ស្នាក់នៅ ផ្ទះជួល មហាវិថីព្រះមុន្នីវង្ស ភូមិ៩ សង្កាត់បឹងកេងកង៣ ខណ្ឌបឹងកេងកង។
ជនសង្ស័យឃាត់ខ្លួន ០២នាក់ រួមមានឈ្មោះហុង ភារ៉ា ភេទប្រុស អាយុ ១៨ឆ្នាំ ជនជាតិ ខ្មែរ មុខរបរ គ្មាន និងឈ្មោះធី បញ្ញា ភេទប្រុស អាយុ ១៤ឆ្នាំ ជនជាតិខ្មែរ មុខរបរ គ្មាន ។ ទាំង ០២នាក់ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។
ហេតុការណ៍ ៖ មុនពេលកើតហេតុ ជនរងគ្រោះទុកម៉ូតូម៉ាកហុងដាសេ១២៥ ពណ៌ខ្មៅ ផ្លាកលេខ ភ្នំពេញ ១JG-០២១៩ នៅចំណុចកើតហេតុ ពុំបានចាក់សោកម៉ូតូទេ រួចទៅផ្ទះដេក ស្រាប់តែជនសង្ស័យ០២នាក់ ដើរមកលួចម៉ូតូជនរងគ្រោះបណ្តើរគេចខ្លួន។ លុះដល់ម៉ោង១០និង៣០នាទី ថ្ងៃដដែល ជនសង្ស័យទាំង០២នាក់ យកម៉ូតូម៉ាកខាងលើ មករកលក់ឲ្យគេនៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ក៏ត្រូវបានសមត្ថកិច្ចយើងឃាត់ខ្លួន រួមនិងវត្ថុតាង បញ្ជូនមកទីស្នាក់ការប៉ុស្តិ៍ច្បារអំពៅ២ សាកសួរ។ លទ្ធផលតេស្តិ៍ទឹកនោមជនសង្ស័យ ៖ វិជ្ជមាន (មានសារធាតុញៀន)៕
ប្រភព៖ អធិការដ្ឋាននគរបាលខណ្ឌច្បាអំពៅ
