ព្រះសីហនុ៖ បុរសម្នាក់ទៀតបានស្លាប់ ដោយគ្រោះថ្នាក់ចរាចរណ៍ នៅឃុំអូរឧកញ៉ាហេង ស្រុកព្រៃនប់ សាកសពគេប្រទះឃើញនៅព្រឹកព្រលឹមថ្ងៃទី១៣ ខែកុម្ភៈ ឆ្នាំ២០២៣ តាមផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៩៣-១៩៤ ស្ថិតនៅភូមិអូរចំណារ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ដែលតាមសមត្ថកិច្ចថាជាករណីរថយន្តបុកម៉ូតូជនរងគ្រោះ ហើយភាគីរថយន្ត(មិនទាន់ស្គាល់អត្តសញ្ញាណ)បើករត់គេច។
ជនរងគ្រោះឈ្មោះ ទុយ កុសល ភេទប្រុស អាយុ៦០ឆ្នាំ មានទីលំនៅផ្ទះ៦៧៧ ភូមិស្ដៅកន្លែង៤ ឃុំដីឥដ្ឋ ស្រុកកៀនស្វាយ ខេត្តកណ្ដាល ជិះម៉ូតូ ម៉ាកHONDA DREAM ពណ៌ខ្មៅ ពាក់ផ្លាកលេខ កណ្ដាល 1H-2429 ។ បច្ចុប្បន្ន សមត្ថកិច្ចកំពុងស្វែងរកសាច់ញាតិមកទទួលយកទៅធ្វើបុណ្យតាមប្រពៃណីយ៌។ ករណីនេះកម្លាំងជំនាញកំពុងស្រាវជ្រាវស្វែងរកភាគីខាងរថយន្ដដើម្បីអនុវត្តនិតិវិធីច្បាប់៕
ប្រភព៖ Huy Bunleng News
