ព្រះសីហនុ ៖ កាលពីល្ងាចថ្ងៃទី១០ ខែកុម្ភៈ ឆ្នាំ២០២៣ វេលាម៉ោង១៥:៣០នាទីកម្លាំងអធិការដ្ឋាននគរបាលក្រុងព្រះសីហនុ បានទទួលពត័មានពីប្រជាពលរដ្ឋរាយការណ៍ថា មានស្ត្រីម្នាក់បក់ដៃស្រែកហៅអោយជួយតាមបង្អួចផ្ទះល្វែងមួយ ស្ថិតនៅក្នុងបូរីBSអូ១ ក្រុមទី១៧ ភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ ភ្លាមនោះកម្លាំងជំនាញ បានរាយការណ៍ជូនលោក ពេញ ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ គាត់បានដឹកនាំកម្លាំងចុះបង្ក្រាបទីតាំងកើតហេតុខាងលើ ។
ក្នុងពេលប្រតិបត្តិការណ៍ បានជួយសង្គ្រោះជនរងគ្រោះចំនួន០៣នាក់ មានឈ្មោះដូចខាងក្រោម ៖
១. ឈ្មោះ HOANG VAN SI ភេទប្រុស អាយុ៤៥ឆ្មាំ ជនជាតិវៀតណាម (គ្មានលិខិតឆ្លងដែន)
២. ឈ្មោះ NAY CHiNY ភេទប្រុស អាយុ២៨ឆ្មាំ ជនជាតិវៀតណាម (គ្មានលិខិតឆ្លងដែន)
៣. ឈ្មោះ HOANG THi VAN ភេទស្រី អាយុ៤៧ឆ្មាំ ជនជាតិវៀតណាម (គ្មានលិខិតឆ្លងដែន)
អ្នកទាំងបីបានចូលមកប្រទេសកម្ពុជា មានអ្នកជូនតាមម៉ូតូតាមច្រករបៀង បាវិតដោយគ្មានលិខិតឆ្លងដែន កាលពីថ្ងៃទី១០.០២.២០២៣ ហើយជិះតាក់ស៊ីឆ្ពោះមកខេត្តព្រះសីហនុ។ ពេលចុះប្រតិបត្តិការណ៍នោះ កម្លាំងជំនាញក៏បានឃាត់ខ្លួនជនសង្ស័យបានចំនួន០៣នាក់ ជាបន្តបន្ទាប់មានឈ្មោះដូចខាងក្រោម ៖
១. ឈ្មោះ NGUENG VAN PHUONG ភេទប្រុស អាយុ១៨ឆ្នាំ ជនជាតិវៀតណាម (គ្មានលិខិតឆ្លងដែន) មុខរបរ ជាងកាត់សក់ ចេះនិយាយភាសារខ្មែរ កើតនៅខេត្តកំពង់ឆ្នាំង ជាអ្នកយាមជនរងគ្រោះក្នុងបន្ទប់ ។
២. ឈ្មោះ VO HONG QUAN ភេទប្រុសអាយុ២៤ឆ្មាំ ជនជាតិវៀតណាម (គ្មានលិខិតឆ្លងដែន) មុខរបរជាងកាត់សក់ចលត័ ជាអ្នកគ្រប់គ្រងលើជនរងគ្រោះ ហើយចូលមកប្រទេសកម្ពុជាតាមច្រករបៀងបាវិត តាមរយះម៉ូតូឌុប ។
៣. ឈ្មោះ DOAN QUOC ភេទប្រុស អាយុ២៤ឆ្មាំ មុខរបរ : រត់តាក់សុី ជនជាតិវៀតណាម កាន់លិខិតឆ្លងដែនលេខP00672545 ចុះ ថ្ងៃទី២៧ កញ្ញា ២០២២ ជាមេការណ៏ចាត់ចែងរៀបចំរកកន្លែងបង្ខាំង ជនរងគ្រោះនិងជាអ្នកចែកប្រាក់ ដល់សមាជិកក្រុម ។
តាមចម្លើយសារភាពរបស់ឈ្មោះ DOAN QUOC បានឧ្យិដឹងទៀតថា ចាប់តាំងពីកំឡុងខែធ្នូ ឆ្នាំ២០២២ គេបានស្គាល់ជាមួយឈ្មោះ HUNG ភេទប្រុស ជនជាតិវៀតណាម តាមរយ:លេខទូរសព្ទ័ +84788773054 ក្នុងពេលរត់តាក់ស៊ី ហើយឈ្មោះ DOAN QUOC ជាអ្នកចាំទទួលភ្ញៀវដែលឈ្មោះ HUNG អោយមកពីប្រទេសវៀតណាមមករកការងារធ្វើ នៅខេត្តព្រះសីហនុ ។ រយៈកាលកន្លងមក ធ្វើសកម្មភាពជំរិតទាប្រាក់បានចំនួន០២ករណី មានជនរងគ្រោះចំនួន០៤នាក់ហើយឈ្មោះ HUNG បានអោយប្រាក់មកខ្លួន (DOAN QUOC) ចំនួន១៨០០ដុល្លារ និងឈ្មោះ VO HONG QUAN បានចំនួន៤០០ដុល្លារ ហើយពួកគេមិនបានដឹងថា ឈ្មោះHUNG ទទួលប្រាក់ពីក្រុមគ្រួសារប៉ុន្មានឡើយ។ ករណីទី០៣ នេះក្នុងពេលដែលពួកគេកំពុងយាមជនរងគ្រោះ ក៏ត្រូវបានសមត្ថកិច្ចឃាត់ខ្លួនតែម្តង។
វត្ថុតាងចាប់យកមាន ៖ ខ្នោះ ចំនួនមួយ, ពិលឆក់ ចំនួនពីរដើម, ដំបងឆក់ ចំនួនមួយ, រថយន្តព្រួស ពណ៌ទឹកប្រាក់ ពាក់ស្លាកលេខភ្នំពេញ:2BH.3961, ទូរសព្ទ័ដៃចំនួន០៤គ្រឿងម៉ាក iPHOne (iphone 13 promax ១, iPhon promax ២,iphone.x.១) , លិខិតឆ្លងដែន០១សន្លឹក។ បច្ចុប្បន្នជនសង្ស័យ និងជនរងគ្រោះខាងលើ កម្លាំងជំនាញបានធ្វើការឃាត់ខ្លួននៅអធិការដ្ឋាននគរបាលក្រុងព្រះសីហនុ ដើម្បីធ្វើការស្រាវជ្រាវរកបក្សពួកបន្ត ដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការបន្តនីតិវិធី៕
ប្រភព៖ អគ្គស្នងការដ្ឋាននគរបាលជាតិ
