ព្រះសីហនុ៖ រកឃើញដើមហេតុជីដូនវយ័ ៩៣ឆ្នាំមួយរូបផ្ទះនៅម្តុំឈូកវ៉ាភ្នំពេញ មកដល់ខេត្តព្រះសីហនុតាមឡានឈ្នួលកាលពីយប់ថ្ងៃទី៥ ខែកុម្ភៈ ខែ២០២៣ គឺមានបំណងស្វែងរកដំណោះស្រាយវិវាទរឿងដីធ្លីក្នុងក្រុមគ្រួសារពីមុន មិនមែនវង្វេងផ្ទះឬកូនចៅបោះបង់ចោលទេ។
នេះជាការលើកឡើងរបស់ជីដូនជម្រាបជូនឯកឧត្តម គួច ចំរើនអភិបាលខេត្តព្រះសីហនុ ក្នុងពេលឯកឧត្តមអភិបាលខេត្តដឹកនាំមន្ត្រី ជួបសួរសុខទុក្ខនិងឧបត្ថម្ភថវិកា ម្ហូបអាហារមួយចំនួនជូនជីដូនរូបនេះដែលអាជ្ញាធររៀបចំឲ្យស្នាក់នៅ មើលថែបណ្តោះអាសន្ននៅបុរីកុមារកំព្រាខេត្តព្រះសីហនុនាថ្ងៃត្រង់ថ្ងៃទី៩ ខែកុម្ភៈ ឆ្នាំ២០២៣។
ជាមួយគ្នានេះ តាមរយៈការសម្របសម្រួលពីឯកឧត្តម អភិបាលខេត្តព្រះសីហនុ ជីដូនរូបនេះបានយល់ព្រមត្រឡប់ទៅផ្ទះនៅម្តុំឈូកវ៉ា ភ្នំពេញវិញហើយ ចំណែករឿងវិវាទផ្ទាល់ខ្លួនជីដូនពាក់ពន្ធ័ដីធ្លីយ៉ាងណានោះ នឹងបន្តដោះស្រាយតាមក្រោយដោយផ្អែកលើនិតិវិធីច្បាប់ ក្នុងនោះរដ្ឋបាលខេត្តនឹងចាត់ចែងមន្ត្រីរៀបចំដឹកជញ្ជូនលោកយាយទៅដល់ផ្ទះ៕
ប្រភព៖ Huy Bunleng News
