បាត់ដំបង៖ នៅថ្ងៃទី២៩ ខែមករា ឆ្នាំ២០២៣ វេលាម៉ោង០៨និង៣៥នាទីព្រឹក ត្រង់ចំណុចអន្លង់កំពូល ក្នុងស្ទឹងសង្កែ ស្ថិតក្នុងភូមិអូរល្មូន ឃុំផ្លូវមាស ស្រុករតនមណ្ឌល ខេត្តបាត់ដំបង មានករណីមនុស្សម្នាក់លង់ទឹកស្ទឹងស្លាប់ ជនរងគ្រោះឈ្មោះ វឹង ហ៊ាងហើម ភេទប្រុស អាយុ២៩ឆ្នាំ រស់នៅភូមិអូរល្មូន ឃុំផ្លូវមាស ស្រុករតនមណ្ឌល ខេត្តបាត់ដំបង។ តាមការបញ្ជាក់ពីសាច់ញាតិជនរងគ្រោះបានអោយដឹងថា ជនរងគ្រោះបានចុះយកមងដាក់ត្រីក្នុងទឹកស្ទឹងសង្កែចំកន្លែងមានទឹកជ្រៅក៏បណ្តាលអោយលង់ទឹកស្លាប់តែម្តង។
ក្រោយពីទទួលបានពត៌មាន កម្លាំងនគរបាលផ្នែកជំនាញស្រុកសហការជាមួយលោកគ្រូពេទ្យជំនាញ បានចុះត្រួតពិនិត្យនិងវិភាគទីកន្លែងកើតហេតុលើជនគ្រោះឈ្មោះ វឹង ហ៊ាងហើម ពិតជាលង់ទឹកស្ទឹងស្លាប់ពិតប្រាកដមែន។ បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕
ប្រភព៖ អគ្គស្នងការដ្ឋាននគរបាលជាតិ
