ភ្នំពេញ៖ ដោយបានការអនុញ្ញាតិពីលោកវរសេនីយ៏ឯក ម៉ៅ សឿត អធិការខណ្ឌច្បារអំពៅ កម្លាំងប៉ុស្តិ៏ សហ៏ការជាមួយកម្លាំងជំនាញ ព្រមទាំងកម្លាំងប្រជាការពារសង្កាត់បានចុះស្រាវជ្រាវធ្វើការឃាត់ខ្លួនជានសង្សយ័០១នាក់ ករណីលួច នឹង មេក្រុម (WK)ដែលជាក្រុមក្មេងទំនើងអុកទ្បុកមូលដ្ឋាន សង្កាត់ក្បាលកោះ នឹង ឃុំភូមិធំ ស្រុកកៀនស្វាយ យកមកចាត់ការតាមច្បាប់ ។
ស្តីពីករណី លួចទូរស័ព្ទដៃ នៅផ្ទះគ្មានលេខ ភូមិជ្រោយអំពិល១ សង្កាត់ក្បាលកោះ ខណ្ឌច្បារអំពៅ កាលពីថ្ងៃទី ១៩-១០-២០២២ ម៉ោង១៣និង៤៥នាទី។ ដោយជនរងគ្រោះឈ្មោះ អន សុធារី ភេទ ស្រី អាយុ ៥០ឆ្នាំ ជនជាតិ ខ្មែរ មុខរបរ លក់ដូរ ស្នាក់នៅផ្ទះកើតហេតុ។ ជនសង្ស័យឈ្មោះ ស៊ុន ការីន ភេទ ប្រុស អាយុ ៣១ឆ្នាំ ជនជាតិ ខ្មែរ មុខរបរ គ្មាន ស្នាក់នៅភូមិយកបាត្រ១ សង្កាត់ក្បាលកោះ ខណ្ឌច្បារអំពៅ។
ហេតុការណ៍ ៖ មុនពេលកើតហេតុជនរងគ្រោះទុកទូរស័ព្ទដៃម៉ាក Vivo ពណ៌ខ្មៅ (លេខស៊ីម ០៧៧ ៣៨៨ ៤២៦) លើទូ ដូរប្រាក់ (ចំណុចកើតហេតុ) រួចក៏ចូលក្នុងផ្ទះ ស្រាប់តែជនសង្ស័យដើរមក ដល់លួចទូរស័ព្ទជនរងគ្រោះគេចខ្លួនយកទៅលក់ឲ្យគេបានប្រាក់ ៨ម៉ឺនរៀល ទិញគ្រឿងញៀនជក់ និងស៊ីចាយអស់។ លុះដល់ថ្ងៃទី ២៧-០១-២០២៣ ម៉ោង១៦និង០០ នាទី សមត្ថកិច្ចយើងឃាត់ខ្លួនជនសង្ស័យនៅភូមិកើតហេតុ បញ្ជូនមកប៉ុស្តិ៍ក្បាលកោះ សាកសួរ។ លទ្ធផលតេស្តិ៍ទឹកនោមជនសង្ស័យ ៖ វិជ្ជមាន (មានសារធាតុញៀន)៕
ប្រភព៖ ប៉ុស្តិ៍នគរបាលរដ្ឋបាលក្បាលកោះ
