តាកែវ៖ ដោយមានការយកចិត្តទុកដាក់ពីលោកឧត្តមសេនីយ៍ទោ ឈាន ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលនិតិវិធីច្បាប់ពីឯកឧត្តម ឯក ឆេងហ៊ួត ព្រៈរាជអាជ្ញា នៃអមអយ្យការសាលាដំបូងខេត្តតាកែវ កាលពីថ្ងៃ អង្គារ៍ ៣ កើត ខែ មាឃ ឆ្នាំ ខាល ចត្វាស័ក ព.ស២៥៦៦ ត្រូវនឹងថ្ងៃទី ២៤ ខែ មករា ឆ្នាំ២០២៣ វេលាម៉ោង ១២:៣៨ នាទី មានករណីលួចកងដៃ (ផ្លាកទីនចំនួន ០១កង ) បង្កដោយជនសង្ស័យឈ្មោះ ម៉ុន ស្រីល័ក្ខ ភេទ ស្រី អាយុ ៣៩ ឆ្នាំ មានទីលំនៅភូមិ ពោធិ៍ខ្វិត ឃុំ ព្រះបាទជាន់ជុំ ស្រុក គិរីវង់ ខេត្ត តាកែវ ជនសង្ស័យបានធ្វើសកម្មភាពបានចូលលួចនៅក្នុងតូបលក់មាសមួយកន្លែងដែលស្ថិតក្នុងផ្សារទន្លាប់(ផ្សារចាស់) នៅភូមិ កំពង់ ស្រុក គិរីវង់ ខេត្ត តាកែវ ជនរងគ្រោះមានឈ្មោះ ស៊ន ឡាយឈាង ភេទ ស្រី អាយុ ៤៧ ឆ្នាំ មានទីលំនៅភូមិឃុំកើតហេតុខាងលើ ក្នុងខណៈពេលដែលជនរងគ្រោះរវល់ទៅផ្ទះរបស់ខ្លួន ដោយទុកអោយកូនមើលតែកូនរវល់ធ្វេសប្រហែសបន្តិច ជាហេតុធ្វើឲ្យជនសង្ស័យបានឱកាសលួចធ្វើសកម្មភាពបើកទូលួចតែម្ដង ។
លុះជនរងគ្រោះត្រឡប់មកពីផ្ទះវិញ មានឈ្មោះ ឡុង សាវ៉េត ភេទ ស្រី អាយុ ៤១ ឆ្នាំ មានទីនៅភូមិឃុំជាមួយជនរងគ្រោះបានប្រាប់ជនរងគ្រោះថា មុននេះមានជនសង្ស័យឈ្មោះ ម៉ុន ស្រីល័ក្ខ បានធ្វើសកម្មភាពបើកទូមាស ពេលនោះនាងខ្ញុំបានបើកកាម៉ារ៉ាសុវត្ថិភាពក៏ឃើញជនល្មើសបានធ្វើសកម្មភាពពិតប្រាកដមែន ។ បន្ទាប់មកលោកវរសេនីយ៍ឯក យុគ សារ៉ាត់ អធិការនគរបាលស្រុកបានទទួលព័ត៌មានពីជនរងគ្រោះបានរាយការណ៍ បានចាត់លោកវរសេនីយ៍ទោនយ៉ាង តារា អធិការរងទទួលការងារយុត្តិធម៌ស្រុកសហការជាមួយកម្លាំងជំនាញនិងកម្លាំងប៉ុស្តិនគរបាលរដ្ឋបាលព្រៈបាទជាន់ជុំ ចុៈពិនិត្យកន្លែងកើតហេតុ និងឆែកកាំម៉ារ៉ាសុវត្ថិភាពកំណត់មុខសញ្ញាចុះខ្លួនជនសង្ស័យមកសាកសួរ ហើយជនសង្ស័យបានឆ្លើយសារភាពថាខ្លួនបានធ្វើសកម្មភាពចឹងមែន បច្ចុប្បន្នកម្លាំងជំនាញកំពុងកសាងសំណុំរឿងតាមនិតិវិធី៕
ប្រភព៖ អធិការដ្ឋាននគរបាលស្រុកគិរីវង់
