បាត់ដំបង ៖ នៅថ្ងៃទី១៨ ខែមករា ឆ្នាំ២០២៣ វេលាម៉ោង០៧និង៣០នាទី ត្រង់ចំណុចក្រុមទី១៣ ភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង មានករណីក្មេងស្រីម្នាក់លង់ទឹកស្រះស្លាប់ ។ ជនរងគ្រោះឈ្មោះ អយ ស្រីកែវ ភេទស្រី អាយុ០២ឆ្នាំ មានទីលំភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង ។
តាមការបញ្ជាក់ពីសាច់ញាតិជនរងគ្រោះបានអោយដឹងថា ជនរងគ្រោះចុះលេងទឹកស្រះក្បែរផ្ទះ ខណៈឪពុកម្តាយកំពុងរវល់មិនមានអ្នកមើលទើប បណ្ដាលធ្លាក់ចូលទឹកស្រះលង់ស្លាប់បាត់បង់ជីវិតតែម្តង។
ក្រោយពីទទួលបានព័ត៌មាន កម្លាំងនគរបាលផ្នែកជំនាញស្រុកសហការជាមួយលោកគ្រូពេទ្យជំនាញ បានចុះត្រួតពិនិត្យនិងវិភាគទីកន្លែងកើតហេតុលើជនគ្រោះឈ្មោះ អយ ស្រីកែវ ពិតជាលង់ទឹកស្រះស្លាប់ពិតប្រាកដមែន។ បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ប្រភព៖ អគ្គស្នងការដ្ឋាននគរបាលជាតិ
