កណ្ដាល៖ ថ្ងៃព្រហស្បតិ៍ ១៤កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវថ្ងៃទី០៥ ខែមករា ឆ្នាំ២០២៣ វេលាម៉ោង១៩ នឹង៣០នាទី នៅចំណុចផ្ទះជនរងគ្រោះភូមិកណ្តាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្ដាល។
ជនរងគ្រោះ០១នាក់ ឈ្មោះ លឹម គង់ ភេទប្រុស អាយុ៣២ឆ្នាំ ទីលំនៅភូមិសង្កាត់កើតហេតុ មុខរបរកសិករ ។
ជនសង្ស័យ០២នាក់ មានឈ្មោះនុត រិទ្ធី ហៅខ្លី ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិឈើទាល ឃុំឈើទាល ស្រុកកៀនស្វាយខេត្តកណ្តាល មុខរបរមិនពិតប្រាកដ(ឃាត់ខ្លួន) និងឈ្មោះ នី ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិឈើទាល ឃុំឈើទាល ស្រុកកៀនស្វាយ ខេត្តកណ្តាល មុខរបរមិនពិតប្រាកដ(គេចខ្លួន)។
វត្ថុតាងចាប់យកបានមានទ្វាដែកចំនួន០៣ផ្ទាំងមានទម្ងន់១៥គីឡូក្រាម(របស់ជនរងគ្រោះ) និងជណ្តើរដែកចំនួន០១ មាន០៧កាំ ទម្ងន់១០គីឡូក្រាម(របស់ជនរងគ្រោះ) ។
កាលពីពេលវេលា និងទីកន្លែងកើតហេតុខាងលើ មានជនសង្ស័យ០២នាក់បាននាំគ្នាជិះម៉ូតូចូលមកធ្វើសកម្មភាពលួចជណ្តើរនិងទ្វាដែករបស់ជនរងគ្រោះយកទៅបាត់។ លុះមកដល់ថ្ងៃទី០៩ ខែមករា ឆ្នាំ២០២៣ ក៏ត្រូវសមត្ថកិច្ចប៉ុស្តិ៍កោះអន្លង់ចិនធ្វើការស្រាវជ្រាវឃាត់ខ្លួនជនសង្ស័យបានម្នាក់ឈ្មោះ នុត រិទ្ធី ហៅខ្លី ព្រមទាំងដកហូតវត្ថុតាងយកបានមកវិញ ដើម្បីកសាងសំណុំរឿងចាត់ការតាមនិតិវិធីតែម្តង។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋានជាបណ្តោះអាសន្នដើម្បីកសាងសំណុំរឿងចាត់ការតាមនិតិវិធី៕
ប្រភព៖ នាយកដ្ឋានផ្សព្វផ្សាយអប់រំ
