ភ្នំពេញ៖ កាលពីម៉ោងប្រមាណ ១១:៤០នាទីយប់ ថ្ងៃទី២៧ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវបេតុង២១ កែងផ្លូវបេតុង២៣(ផ្សារក្រមួន) ភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ក្រោយរថយន្ត ២គ្រឿងបានបុកគ្នាពេញទំហឹង។
បើយោងតាមប្រភពពីកន្លែងកើតហេតុបានអោយដឹងថា មានបុរសម្នាក់បេីករថយន្ដម៉ាក SIENNA TERRA ពណ៌ខ្មៅ មានពាក់ស្លាកលេខ ភ្នំពេញ ២BJ-៣៥៣៥ បានបេីកបុកជាមួយនឹងរថយន្ដម៉ាកឡិចស៊ីស មានពណ៌ទឹកប្រាក់ យ៉ាងពេញទំហឹងនៅត្រង់ចំណុចផ្លូវបំបែកជាបួន បណ្ដាលឲ្យរងការខូចខាត។ បន្ទាប់ពីកើតហេតុម្ចាស់រថយន្ដ SIENNA បានព្យាយាមបេីករត់គេចខ្លួនយករថយន្ដទៅចត់ចោល ដោយឡែកម្ចាស់រថយន្ដឡិចស៊ីសបេីករថយន្ដទៅទុកផ្ទះ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះទៅធ្វេីការវាស់វែង និងយករថយន្តទាំង២គ្រឿង ទៅរក្សាទុករងចាំការដោះស្រាយនៅពេលក្រោយ៕
