ភ្នំពេញ៖ កាលពីម៉ោងប្រមាណ ១១:១៥នាទីយប់ ថ្ងៃទី២៧ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍នៅចំនុចបណ្ដោយផ្លូវជាតិលេខ៥ សង្កាត់សំរោង ខណ្ឌព្រែកព្នៅ រាជធានីភ្នំពេញ ដោយរថយន្តធុនធំ២គ្រឿងបានបុកគ្នា។
បើយោងតាមប្រភពពីសមត្ថកិច្ចបានអោយដឹងថា មានបុរសម្នាក់បេីករថយន្តធុនធំដឹកចំណីសត្វ ដែលមានពាក់ស្លាកលេខស្វាយរៀង ៣A-១១៩៣ បានបុកជាមួយនឹងរថយន្តស្ទូចមួយគ្រឿងផ្សេងទៀត ដែលមានពាក់ស្លាកលេខភ្នំពេញ ៣F-៤៥៤៤ បណ្ដាលឲ្យរថយន្តធុនធំដឹកចំណីសត្វក្រឡាប់ផ្ងាជេីង សំណាងដែលមិនមានអ្នករងរបួសនោះទេ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វេីការវាស់វែង និងយករថយន្តទាំង២គ្រឿងទៅរក្សាទុកដេីម្បីរងចាំដោះស្រាយនៅពេលក្រោយ៕
