ភ្នំពេញ៖ កាលពីម៉ោងប្រមាណ ១០:៤០នាទីយប់ ថ្ងៃទី២៧ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវ២១៧ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ រវាងម៉ូតូ និងម៉ូតូសណ្តោងរម៉ក។
បើយោងតាមប្រភពពីកន្លែងកើតហេតុបានអោយដឹងថា មានបុរសម្នាក់ជិះម៉ាកហុងដាប៊ីត ពណ៌សលាយខៀវ ពាក់ស្លាកលេខ ភ្នំពេញ ១JF-៩២៨០ បានបុកជាមួយម៉ូតូសណ្តោងរម៉កមួយគ្រឿងទៀតពីក្រោយ បណ្តាលអោយខ្ទៀតម្ចាស់ម៉ូតូចូលទៅក្រោម រថយន្តសេរីទំនើបម៉ាក SOUEAST ពណ៌ស ពាក់ស្លាកលេខ ភ្នំពេញ ២BN-២៩០៧ បណ្ដាលឲ្យរងរបួសស្រាល រីឯម៉ូតូសណ្តោងរម៉កជិះរត់គេចខ្លួនបាត់។ ក្រោយពេលកេីតហេតុភាគីទាំង២ បានធ្វើការចរចាគ្នា ដើម្បីដោះស្រាយបញ្ចប់រឿងនៅកន្លែងកេីតហេតុតែម្តង៕
