ភ្នំពេញ៖ កាលពីម៉ោងប្រមាណ ១:៤០នាទីយប់ រំលងរំលងអាធ្រាត្រឈានចូល ថ្ងៃទី២៧ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវ ៣៧១សឡា សង្កាត់អូរបែកក្អម ខណ្ឌសែនសុខ រាជធានីភ្នំពេញ។
បើយោងតាមប្រភពពីកន្លែងកើតហេតុបានអោយដឹងថា មានបុរសម្នាក់បើករថយន្ដសេរីទំនើបម៉ាក Mercedes មានពណ៌ស ពាក់ស្លាកលេខ ភ្នំពេញ ២BE-៦៧៨០ បានបេីកបុកទ្វារបងផ្ទះប្រជាពលរដ្ឋមួយកន្លែងនៅទីតាំងខាងលើ បណ្ដាលឲ្យបាក់ទៅប៉ះនឹងរថយន្ដមួយគ្រឿងទៀតម៉ាកឡិចស៊ីស RX330 ពណ៌ស ពាក់ស្លាកលេខ ពោធិ៍សាត់ ២C-៥៥៥៥ បណ្ដាលឲ្យរងការខូចខាត។ ក្រោយពេលកេីតហេតុ ភាគីទាំង២ បានធ្វើការចរចាគ្នាដោះស្រាយបញ្ចប់រឿងនៅកន្លែងកេីតហេតុតែម្តង៕
