ភ្នំពេញ៖ កាលពីម៉ោងប្រមាណ ២៖១៥នាទីរំលងអាធ្រាត្រ ឈានចូលថ្ងៃទី២៧ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវព្រះមុនីរ៉េត សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ដោយរថយន្តមួយគ្រឿងបានបុកថ្មពុះចែកទ្រូងផ្លូវ។
បើយោងតាមប្រភពពីសមត្ថកិច្ច បានអោយដឹងថាមានបុរសម្នាក់បេីករថយន្តម៉ាក Mazda BT50 មានពាក់ស្លាកលេខភ្នំពេញ ២BR-៤៤៨២ បានបើកបុកជាមួយនឹងថ្មពុះចែកទ្រូងផ្លូវនៅចំនុចខាងលើ បណ្ដាលរងការខូចខាត ប៉ុន្តែសំណាងល្អមិនមានអ្នករងរបួស។
ក្រោយពេលកេីតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង និងបានយករថយន្ដទៅរក្សាទុក ដើម្បីរងចាំការដោះស្រាយនៅពេលក្រោយ៕
