ភ្នំពេញ៖ កាលពីម៉ោងប្រមាណ ៣៖៥៥នាទីទាបភ្លឺ ថ្ងៃទី២៦ ខែធ្នូ ឆ្នាំ២០២២ មានហេតុការណ៍គ្រោះថ្នាក់ចរាចរណ៍មួយកើតឡើងនៅចំនុចស្តុប BKC សង្កាត់ផ្សារថ្មីទី១ ខណ្ឌដូនពេញ ភ្នំពេញ ដោយរថយន្ត ២គ្រឿងបានបុកគ្នា។
បើតាមប្រភពពីកន្លែងកើតហេតុបានអោយដឹងថាបុរសម្នាក់បេីករថយន្ត Visto ពណ៌លឿង ពាក់ស្លាកលេខភ្នំពេញ ២Z-៥៣២៣ ទៅបុកជាមួយនឹងរថយន្តម៉ាកឡិចស៊ីស LX570 ដែលមានពាក់ស្លាកលេខកម្ពុជា AU.77777 បណ្ដាលរងការខូចខាត ប៉ុន្តែសំណាងល្អមិនមានអ្នករងរបួសនោះទេ។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វេីការវាស់វែងនៅកន្លែងកើតហេតុ និងបានយករថយន្តទាំង២គ្រឿងទៅរក្សាទុកដេីម្បីរងចាំដោះស្រាយនៅពេលក្រោយ៕
