ភ្នំពេញ៖ កាលពីម៉ោងប្រមាណ ៤៖៥៥នាទីទាបភ្លឺ ថ្ងៃទី២៦ ខែធ្នូ ឆ្នាំ២០២២ មានហេតុការណ៍គ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវ២០៥ កែង៣១០ សង្កាត់ទួលស្វាយព្រៃទី២ ខណ្ឌបឹងកេងកង ភ្នំពេញ ដោយម៉ូតូសណ្តោងរម៉កបានបើបុកជាមួយនឹងរថយន្តមួយគ្រឿង។
បើយោងតាមប្រភពពីកន្លែងកើតហេតុបានអោយដឹងថា មានបុរសម្នាក់ជិះម៉ូតូសណ្ដោងរម៉កដឹកសាច់គោ គ្មានស្លាកលេខ បានបុកជាមួយនឹងរថយន្តម៉ាក Toyota Rally ដែលមានពាក់ស្លាកលេខភ្នំពេញ ២BB-៣៦៤៧ បណ្ដោយអ្នកបើកម៉ូតូសណ្ដោងរម៉កធ្ងន់ធ្ងរ។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែងនៅកន្លែងកើតហេតុ និងបានយករថយន្តនឹងរម៉កដឹកសាច់គោទៅរក្សាទុកដេីម្បីរងចាំដោះស្រាយនៅពេលក្រោយ៕
