ភ្នំពេញ៖ កាលពីម៉ោងប្រមាណ ៣៖១៥នាទីទាបភ្លឺ ថ្ងៃទី២៦ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវម៉ៅសេទុង សង្កាត់ទួលស្វាយព្រៃទី១ ខណ្ឌបឹងកេងកង ភ្នំពេញ ក្រោយរថយន្តសេរីទំនើបមួយគ្រឿងបានបើកបុកទ្រូងផ្លូវ។
បើយោងតាមប្រភពពីកន្លែងកើតហេតុបានអោយដឹងថា បុរសម្នាក់បេីករថយន្តម៉ាក Toyota Raize ពណ៌លឿង ពាក់ស្លាកលេខភ្នំពេញ ២BR-០៧៨៤ ទៅបុកថ្មពុះចែកទ្រូងផ្លូវ បណ្តាលអោយរថយន្តរងការខូចខាតផ្នែកខាងមុខយ៉ាងដំណំ ប៉ុន្តែសំណាងមិនមានអ្នករងរបួសនោះទេ៕
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញបានចុះមកធ្វើការវាស់វែង និងយករថយន្តទៅរក្សាទុកដេីម្បីរងចាំដោះស្រាយនៅពេលក្រោយ៕
