ភ្នំពេញ៖ នៅថ្ងៃទី២៣ ខែធ្នូ ឆ្នាំ២០២២ វេលាម៉ោង២០៖៥០នាទី លោកឧ.ត្រី ប៊ុត វណ្ណារដ្ឋ បានដឹកនាំកម្លាំងជំនាញការិយាល័យព្រហ្មទណ្ឌកំរិតស្រាល ចុះល្បាតតាមបណ្តោយផ្លូវព្រះមុនីរ៉េត សង្កាត់ផ្សារដេីមគរ ខណ្ឌទួលគោក រាជធានីភ្នំពេញ ក៏ប្រទះឃេីញជនសង្ស័យ ជិះម៉ូតូចំនួន០១គ្រឿង គ្នាចំនួន០២នាក់ធ្វេីសកម្មភាពឆក់កាបូបស្ពាយពីនារីរងគ្រោះដែលកំពុងជិះម៉ូតូកង់បីឥណ្ឌា បានសម្រេច ភ្លាមនោះកម្លាំងជំនាញធ្វេីការប្រដេញរហូតដល់ចំណុចមុខការ៉ាស់សាំងសូគីមិច ផ្លូវម៉ៅសេទុង សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ទេីបឃាត់ជនសង្ស័យបានទាំង០២នាក់ រួមមាន៖
១.ឈ្មោះសុខ រតនះ ភេទប្រុស អាយុ២៣ឆ្នាំ ជនជាតិខ្មែរ មុខរបររេីសអេតចាយ ទីកន្លែងស្នាក់នៅផ្ទះក្នុងវត្តកោះ សង្កាត់បឹងរាំង ខណ្ឌដូនពេញ រាជធានីភ្នំពេញ(អ្នកបេីកបរ)។
២.ឈ្មោះ ណេត ដន ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ ទីកន្លែងស្នាក់នៅមិនពិតប្រាកដ(ដៃដល់)។
សំភារៈដកហូតមាន៖
-ម៉ូតូម៉ាកហុងដាស្តុបពី ពណ៌ស ពាក់ស្លាកលេខ កណ្តាល 1AJ5176(របស់ជនសង្ស័យ)។
-កាបូបស្ពាយពណ៌លឿង (របស់ជនរងគ្រោះ)
កាបូបស្ពាយខាងលើកម្លាំងជំនាញបានប្រគល់អោយនារីរងគ្រោះវិញ ។ បច្ចុប្បន្ន ការិយាល័យបាននាំជនសង្ស័យខាងលេីមក ដេីម្បីធ្វេីការសាកសួរ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញចាត់ការតាមនីតិវិធី៕
ប្រភព៖ កងម៉ូតូប្រដេញសាគរជ័យ
