ភ្នំពេញ៖ កាលពីម៉ោងប្រមាណ ២:១៥នាទីរំលងអាធ្រាត្រឈានចូលថ្ងៃទី២២ ខែធ្នូ ឆ្នាំ២០២២ មានហេតុការណ៍គ្រោះថ្នាក់ចរាចរណ៍មួយបានកើតឡើងនៅតាមបណ្ដោយផ្លូវព្រះនរោត្ដម សង្កាត់ទន្លេបាសាក់ ខណ្ឌចំការមន រាជធានីភ្នំពេញ រវាងម៉ូតូមួយគ្រឿងជាមួយនឹងរថយន្ត។
តាមប្រភពពីកន្លែងកើតហេតុបានអោយដឹងថានៅម៉ោងខាងលើមាននារី២នាក់ បានជិះម៉ូតូម៉ាក Suzuki Nex ដែលពាក់ស្លាកលេខភ្នំពេញ ១HH-២៤៧៦ ទៅបុកនឹងរថយន្តម៉ាកឡិចស៊ីស LX570 ពាក់ស្លាកកម្ពុជា GMGM8888 ដែលកំពុងបើកបត់ត្រឡប់ក្រោយ បណ្ដោយនារីម្នាក់រងរបួសធ្ងន់ នឹងម្នាក់ទៀតរងរបួសស្រាល។ក្រោយកេីតហេតុភាគីទាំងសងខាងសម្រួលដេីម្បីបញ្ចប់រឿងនៅកន្លែងកេីតហេតុ៕
