កំពង់ស្ពឺ ៖ នៅថ្ងៃទី១៧ ខែធ្នូ ឆ្នាំ២០២២ វេលាម៉ោង០៦និង១៥នាទីព្រឹក នៅលើផ្លូវក្រាលកៅស៊ូ ក្នុងភូមិទួលសេរី ឃុំមហាសាំង ស្រុកភ្នំស្រួច ខេត្តកំពង់ស្ពឺ មានករណីគ្រោះថ្នាក់ចរាចរណ៍បង្កដោយម៉ូតូ២គ្រឿងប៉ះទង្គិចគ្នា បណ្តាលឲ្យមនុស្សស្លាប់ម្នាក់ រងរងរបួសធ្ងន់ចំនួន២នាក់ ។
តាមការបញ្ជាក់ពីសមត្ថកិច្ចបានអោយដឹងថា មុនពេលកើតហេតុ មានម៉ូតូ០១គ្រឿងម៉ាកហុងដាC125 ពណ៌ខ្មៅ ពាក់ស្លាកលេខកំពង់ស្ពឺ1K-2763 បើកបរដោយឈ្មោះ មួង សារ៉េម ភេទប្រុស អាយុ៣៦ឆ្នាំ (ស្លាប់នៅកន្លែងកើតហេតុ) អ្នករួមដំណើរឈ្មោះ ញ៉េម សុថាច ភេទស្រី អាយុ៣៤ឆ្នាំ ត្រូវជាប្រពន្ធ(របួសធ្ងន់)ទាំង០២នាក់ រស់នៅភូមិសិរីវ័ន្ត ឃុំមហាសាំង ស្រុកភ្នំស្រួច ខេត្តកំពង់ស្ពឺ បើកមកពីទិសខាងត្បូងទៅទិសខាងជើង ។
សមត្ថកិច្ចបន្តថា លុះមកដល់ចំណុចខាងលើក៏បានប៉ះទង្គិចជាមួយម៉ូតូ០១គ្រឿងទៀត ម៉ាកហុងដាC125 ពណ៌ខ្មៅ ពាក់ស្លាកលេខកំពង់ស្ពឺ 1L-0744 បើកបរដោយឈ្មោះ អឿន វ៉ាន់សាន់ ភេទប្រុស អាយុ១៧ឆ្នាំ(របួសធ្ងន់) នៅភូមិស្រែត្រែង ឃុំធម្មតាអរ ស្រុកសំរោងទង ខេត្តកំពង់ ស្ពឺ កំពុងធ្វើដំណើរបញ្ច្រាសទិសគ្នា បណ្តាលឲ្យគ្រោះថ្នាក់ និងខូចខាតសម្ភារៈដូចខាងក្រោម៖
-ស្លាប់០១នាក់ ភេទប្រុស ឈ្មោះ មួង សារ៉េម សពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។-របួសធ្ងន់០២នាក់ ស្រី០១នាក់(ញ៉េម សុថាច និងអឿន វ៉ាន់សាន់ ត្រូវបានក្រុមគ្រួសារបញ្ជូនទៅសង្គ្រោះនៅពេទ្យឯកជន ផេន សុភ័ក្ត្រា ផ្សារត្រពាំងក្រឡឹង) ។
ចំពោះវត្ថុតាងម៉ូតូទាំង០២គ្រឿង សមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលឃុំមហាំង ដើម្បីបន្តនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
