បាត់ដំបង ៖ នៅថ្ងៃទី១០ ខែធ្នូ ឆ្នាំ២០២២ ដឹងនៅវេលាម៉ោង១២និង៣០នាទី នៅចំណុចក្រុមទី០៨ ភូមិទួលក្រសាំង ឃុំក្តុលតាហែន ស្រុកបវេល ខេត្តបាត់ដំបង មានករណីលង់ទឹកស្លាប់ចំនួន ០១នាក់ ។
ជនរងគ្រោះឈ្មោះ ទួន គុយ ភេទប្រុស អាយុ៥៣ឆ្នាំ រស់នៅភូមិទួលក្រសាំង ឃុំក្តុលតាហែន ស្រុកបវេល ខេត្តបាត់ដំបង ។
ឆ្លងតាមការបំភ្លឺឈ្មោះ នៅ ឌុល ភេទប្រុស អាយុ៦១ឆ្នាំ ត្រូវជាបងថ្លៃរបស់ជនរងគ្រោះឈ្មោះ ទួន គុយ ជនរងគ្រោះមានជំងឺប្រចាំកាយ (ស្គន់ជ្រូក) ធ្លាក់ប្រឡាយបណ្ដាលឲ្យលង់ទឹកស្លាប់តែម្តង ។ ក្រោយពីទទួលបានព័ត៌មាន កម្លាំងនគរបាលផ្នែកជំនាញស្រុកសហការជាមួយលោកគ្រូពេទ្យជំនាញ បានចុះត្រួតពិនិត្យនិងវិភាគទីកន្លែងកើតហេតុលើជនគ្រោះឈ្មោះ ទួន គុយ ពិតជាលង់ទឹកប្រឡាយស្លាប់ពិតប្រាកដមែន។
បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ប្រភព៖ អគ្គស្នងការដា្នននគរបាលជាតិ
