ភ្នំពេញ៖ កាលពីម៉ោង១២:០០យប់រំលងអាធ្រាត្រ ឈានចូលថ្ងៃទី០៧ ខែវិច្ឆិកា ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវសហព័ន្ធរុស្ស៊ី លេីស្ពានអាកាសផ្សារដីហ៊ុយ សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ដោយក្នុងនោះរថយន្តរថយន្ដព្រូស ពណ៌ទឹកប្រាក់ ពាក់ស្លាកលេខ ភ្នំពេញ ២BM-៩៦០៩ បេីកចុះស្ពានក្នុងល្បឿនលឿនចាប់ហ្រ្វាំងមិនទាន់បានបុករះកង់បីឥណ្ឌា និងម៉ូតូ Honda Dream មួយគ្រឿងពាក់ស្លាកលេខភ្នំពេញ ១BI-៦៩០៣ បណ្តាលអោយអ្នកបើកបរម៉ូតូរងរបួសស្រាល។
ក្រោយកេីតហេតុសមត្ថកិច្ចបានចុះមកធ្វេីការវាស់វែងយករថយន្ត ម៉ូតូ និងកង់បីឥណ្ឌាទៅរក្សាទុករងចាំការដោះស្រាយនៅពេលក្រោយ៕
