បាត់ដំបង ៖ កាលពីថ្ងៃទី០៥ ខែវិច្ឆិកា ឆ្នាំ២០២២ វេលាម៉ោង៨និង៣០នាទី អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ ប៉ាង ផង់ អធិការនគរបាលស្រុកថ្មគោលស្តីទី បានចាត់តាំឱ្យលោកវរសេនីយ៍ទោ ហៀង ប៊ុនថា អធិការរងដឹកនាំកម្លាំងផ្នែកជំនាញ ធ្វើការស្រាវជ្រាវរហូតឈានដល់ការនាំខ្លួនជនសង្ស័យចំនួន ០២នាក់។
ជនសង្ស័យឈ្មោះ ឆាយ សៅ ហៅ ជី ភេទប្រុស អាយុ២៤ឆ្នាំ មានទីលំនៅភូមិកណ្តាលជើងឃុំគោកឃ្មុំ ស្រុកថ្មគោល និងឈ្មោះ មាន វុទ្ធី ភេទប្រុសអាយុ៤០ឆ្នាំមានទីលំនៅ ភូមិច្រនៀង ឃុំគោកឃ្មុំ ស្រុកថ្មគោល មកកាន់អធិការដ្ឋាននគរបាលស្រុកថ្មគោល ដើម្បីសាកសួរស្រាវជ្រាវពាក់ព័ន្ធករណីលួចយកទ្រព្យសម្បត្តិអ្នកដទៃ។
សូមជម្រាបជូនថា មូលហេតុដែលឈានដល់ការឃាត់ខ្លួនជនសង្ស័យខាងលើនេះ គឺកាលពីថ្ងៃទី០៤ ខែវិច្ឆិកា ឆ្នាំ២០២២ វេលាម៉ោង០៤និង៣០នាទី ក្នុងលំនៅរបស់ជនរងគ្រោះឈ្មោះឈ្មោះ ទេព ញ៉ុន ភេទស្រី អាយុ៥៧ឆ្នាំ រស់នៅក្រុមទី២ ភូមិកណ្តាលជើង ឃុំគោកឃ្មុំ ស្រុកថ្មគោល ខេត្តបាត់ដំបង ត្រូវជនសង្ស័យមិនស្គាល់អត្តសញ្ញាណបានចូលលួចគ្រឿងអល័ង្កា (ខ្សែកមាស) ទម្ងន់០៦ជី និងប្រាក់បាតថៃចំនួន ៤២,០០០បាត (បួនម៉ឺនពីពាន់បាត)។
នៅពេលបន្ទាប់ជនងរងគ្រោះបានប្តឹងពីករណីនេះមកនគរបាលស្រុក ហើយឆ្លងតាមរយៈការស្រាវជ្រាវស៊ើបអង្កេត សមត្ថកិច្ចកំណត់មុខសញ្ញាបានរហូតឈានដល់ការឃាត់ខ្លួនតែម្តង។
វត្ថុតាងដកហូតរួមមាន ៖ខ្សែរកមាសនិងបណ្តោង (០១ខ្សែ ទម្ងន់០៦ជី), ទូស័ពដៃម៉ាកវីវូ ០១គ្រឿង។ បច្ចុប្បន្ន ជនសង្ស័យទាំង២នាក់ខាងលើ ត្រូវបានកម្លាំងនគរបាលស្រុកកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់ការបន្តតាមនីតិវិធីច្បាប់៕
ប្រភព៖ អគ្គស្នងការដ្ឋាននគរបាលជាតិ
