កោះកុង៖ នៅយប់ថ្ងៃទី០៣ ខែវិច្ឆិកា ឆ្នាំ ២០២២ វេលាម៉ោង ០០៖៤៥ នាទីរំលងអាធ្រាត កម្លាំងអធិការដ្ឋាននគរបាលក្រុងខេមរភូមិន្ទបានចេញល្បាតនៅចំនុចវត្តទេពនិមិត្ត(ហៅវត្តថ្មី)ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទបានប្រទះឃើញក្មេង០៣នាក់កំពុងជិះម៉ូតូគួរអោយសង្ស័យក៏ធ្វើការសួរនាំនិងឆែកឆេរ ឃើញមានកាំបិតប៉័ងតោ១ដើម កូនកាំបិត១ដើម ក្មេងទំនើងទាំង៣នាក់មានឈ្មោះ
១-ឈ្មោះ ណាត់ សុខណា (ហៅក្តាន់) ភេទប្រុស អាយុ ២០ ឆ្នាំ មុខរបរ កម្មករនេសាទ(អ្នកកាន់ដាវ តែបានបោះដាវចោល) ស្នាក់នៅលើទូកភូមិ០៣ ឃុំប៉ាក់ខ្លង ស្រុកមណ្ឌលសីមា ។
២-ឈ្មោះ សួរ គីរីន ភេទប្រុស អាយុ ១៦ ឆ្នាំ មុខរបរ នៅផ្ទះ (មានកាំបិតបុ័ងតោជាប់ខ្លួន) ទីលំនៅភូមិ ០២ ឃុំប៉ាក់ខ្លងស្រុកមណ្ឌលសីមា ។
៣-ឈ្មោះ ពាន សុភ័ក្រ ភេទប្រុស អាយុ ១៧ឆ្នាំ មុខរបរកម្មករសំណង់ ទីលំនៅភូមិ ០២ ឃុំប៉ាក់ខ្លង ស្រុកមណ្ឌលសីមា ។
ក្នុងនោះដកហូតវត្ថុតាងម៉ូតូម៉ាកវ៉េវពណ៌ខ្មៅ ១គ្រឿង ; កាំបិតបុ័ងតោ ០១ និង កូនកាំបិតចុងស្រួច០១ដើម ។
ក្មេងទំនើងទាំង៣នាក់ខាងលើត្រូវបានផ្នែកនគរបាលយុត្តិធម៌កសាងសំណុំរឿងបញ្ជូនទៅការិយាល័យជំនាញដើម្បី ចាត់ការតាមនីតិវិធីច្បាប់បន្ត៕
ប្រភព៖ អធិការដ្ឋាននគរបាលក្រុងខេមរភូមិន្ទ
