ប៉ៃលិន៖ ថ្ងៃព្រហស្បតិ៍១០កេីត ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣ ខែវិច្ឆិកា ឆ្នាំ២០២២ វេលាម៉ោង ១៨និង០០នាទី កម្លាំងជំនាញផ្នែកនគរបាលយុត្តិធម៌ នៃអធិការដ្ឋាននគរបាលស្រុកសាលាក្រៅ បាននាំខ្លួនជនត្រូវចោទចំនួន១នាក់ ទៅកាន់ពន្ធនាគារខេត្តប៉ៃលិន តាមដីការបង្គាប់ឲ្យឃុំខ្លួនរបស់លោក លី ម៉េងចៅក្រមស៊ើបសួរ នៃសាលាដំបូងខេត្តប៉ៃលិន។
ជនត្រូវចោទឈ្មោះ ង៉ែត វ៉ាឃីម ភេទប្រុស អាយុ២០ ឆ្នាំ ទីលំនៅបច្ចុប្បន្ន ភូមិសួនអំពៅកេីត សង្កាត់ប៉ៃលិន ក្រុងប៉ៃលិន ខេត្តប៉ៃលិន ដែលពាក់ព័ន្ធក្នុងករណី រំលោភសេពសន្ថវៈដោយមានស្ថានទម្ងន់ទោសទាក់ទងនឹងជនរងគ្រោះប្រព្រឹត្តនៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន៕
ប្រភព៖ នាយកដ្ឋានផ្សព្វផ្សាយអប់រំ
