ភ្នំពេញ៖ កាលពីម៉ោងប្រមាណ ១:៣៥នាទីរំលង់អាធ្រាត្រឈានចូលថ្ងៃទី៣ ខែវិច្ឆិកា ឆ្នាំ២០២២នេះ មានករណីគ្រោះថ្នាក់ចរាចរណ៍មួយបានកើតឡើងនៅចំនុចផ្លូវ២៧១ កែងផ្លូវសហព័ន្ធរុស្ស៊ី(ស្តុបក្រោមស្ពានអាកាស៧មករា) សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
បើតាមប្រភពពីកន្លែងកើតហេតុបានអោយដឹងថា នៅម៉ោងកើតហេតុខាងលើមានបុរសជនជាតិចិនម្នាក់បើករថយន្តម៉ាក TACOMA ពាក់ស្លាកលេខភ្នំពេញ ២BA-៦៣១៣ បានបើកបំពានភ្លើងស្តុបទៅបុកជាមួយរថយន្ដម៉ាក Ford Ranger 023 ពាក់ស្លាកលេខកម្ពុជា SVN.២០២៣ ពេញទំហឹងបណ្ដាលឲ្យរងការខូចខាតយ៉ាងដំណំ៕
