ភ្នំពេញ៖ កាលពីថ្ងៃទី១៩ ខែតុលា ឆ្នាំ២០២២កន្លងមកនេះ តុលាការបានប្រកាសសាលក្រមផ្តន្ទា ដាក់ទោសលើបុរសម្នាក់ អោយជាប់ពន្ធធនាគាររយៈ ១០ឆ្នាំ ក្រោយធ្វើសកម្មភាពឆក់កាបូប បណ្តាលអោយស្ត្រីម្នាក់ជាអ្នកបើកម៉ូតូស្លាប់។
បើយោងតាមប្រភពពីសមត្ថកិច្ចបានអោយដឹងថា ជនសង្ស័យមានឈ្មោះ ជុំ សុខបញ្ញា អាយុ១៤ឆ្នាំជាសិស្ស នៅភូមិត្រពាំងគល់ សង្កាត់កន្ទោក ខណ្ឌកំបូល។ ដោយឡែកជនរងគ្រោះមានឈ្មោះ អ៊ុក កន្និកា ភេទស្រី ដួលបោកក្បាលរបួសធ្ងន់ និងបានស្លាប់ពេលបញ្ជូនទៅមន្ទីរពេទ្យ។
គួរបញ្ជាក់ថាករណីឆក់បណ្តាលអោយម្ចាស់កាបូបដួលម៉ូតូរហូតស្លាប់បាត់បងជីវិតនេះកើតឡើងនៅចំនុចផ្លូវសហព័ន្ធរុស្ស៊ីមុខអាកាសយានដ្ឋានអន្តរជាតិភ្នំពេញ ក្នុងភូមិតាងួន១ សង្កាត់កាកាបទី១ ខណ្ឌពោធិ៍សែនជ័យ កាលពីថ្ងៃទី១៥ ខែមករា ឆ្នាំ២០២២កន្លងទៅ៕
