ភ្នំពេញ ៖ នៅថ្ងៃទី១៥ ខែកញ្ញា ឆ្នាំ២០២២ វេលាម៉ោង១៥ និង៣០ នាទី កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានស្រាវជ្រាវឃាត់ខ្លួនជនសង្ស័យបានម្នាក់ នៅចំណុចផ្លូវបេតុងលូទឹកស្អុយ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ពាក់ព័ន្ធប្រព្រឹត្តបទល្មើស អំពើលួចមានស្ថានទម្ងន់ទោស(ដោយសារការប្រព្រឹត្តអំពើហិង្សា) ។
ជនសង្ស័យមានឈ្មោះសន វិសាល ហៅហុង ភេទប្រុស អាយុ១៧ ឆ្នាំ ជនជាតិខ្មែរ -មុខរបរ សិស្ស ស្នាក់នៅផ្ទះមិនចាំលេខ ផ្លូវមិនចាំលេខ សង្កាត់បឹងសាឡាង ខណ្ឌទួលគោក រាជធានីភ្នំពេញ បានធ្វើសកម្មភាពឆក់កាបូបអ្នកដំណើរនៅចំណុចមុខផ្ទះលក់គ្រឿងសង្ហារឹមលេខ២១២ ផ្លូវលេខ២១៧ ក្រុម៥២ ភូមិ១៧ សង្កាត់បឹងសាឡាង ខណ្ឌទួលគោក រាជធានីភ្នំពេញ កាលពីថ្ងៃទី១២ ខែកញ្ញា ឆ្នាំ២០២២ វេលាម៉ោង១២ និង០០ នាទី ។
សម្ភារៈបាត់បង់មាន ៖ -កាបូបក្រវាត់ចង្កេះ ពណ៌ខ្មៅ ចំនួន០១ ,ប្រាក់ដុល្លារចំនួន៨០០ដុល្លារអាមេរិក ,ប្រាក់រៀលចំនួន ២៩០,០០០រៀល និងទូរសព្ទ័ដៃម៉ាកអាយហ្វូនហ្វាយ ចំនួន០១ គ្រឿង ។
ករណីនេះ កម្លាំងការិយាល័យជំនាញបានកសាងសំណុំរឿងបញ្ជូនជនសង្ស័យទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
ប្រភព៖ អគ្គនាយកដ្ឋានទូរទស្សន៍ជាតិកម្ពុជា
