កំពង់ឆ្នាំង ៖ នៅរសៀលថ្ងៃព្រហស្បតិ៍ ទី០៨ ខែកញ្ញា ឆ្នាំ២០២២ កម្លាំងការិយាល័យនគរបាលព្រហ្មទណ្ឌ បង្ហាញឃាត់ខ្លួនមុខសញ្ញាសង្ស័យចំនួន០៨នាក់ ក្នុងករណី លួចមានស្ថានទម្ងន់ទោស និងករណីឆក់ ។
ប្រតិបត្តិការនេះ កម្លាំងការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តកំពង់ឆ្នាំង បានសហការជាមួយកម្លាំងជំនាញផ្នែកព្រហ្មទណ្ឌនៃអធិការដ្ឋាននគរបាលស្រុកចំនួន០៤របស់ខេត្តកំពង់ឆ្នាំងមាន អធិការនគរបាលស្រុកកំពង់ត្រឡាច សាមគ្គីមានជ័យ ទឹកផុស និងរលាប្អៀរ ចុះបង្ក្រាប និងឃាត់ខ្លួនបានជនសង្ស័យ ចំនួន០៨នាក់ ពាក់ព័ន្ធករណី លួច មានស្ថានទម្ងន់ទោស និងករណីឆក់ដែលធ្វើសកម្មភាពនៅក្នុង ខែកក្កដា ខែសីហា ឆ្នាំ២០២២ កន្លងមក ។
បច្ចុប្បន្ន ជនសង្ស័យ រួមទាំងវត្ថុតាង ត្រូវបានការិយាល័យជំនាញកសាងសំណុំរឿងចាត់ការបន្តតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
