ភ្នំពេញ៖ ដោយបានការអនុញ្ញាតពីលោកវរសេនីយ៏ឯក ម៉ៅ សឿត អធិការខណ្ឌច្បារអំពៅ នៅថ្ងៃទី៤ ខែកញ្ញា ឆ្នាំ២០២២ វេលាម៉ោ១៦:៣០នាទី សមត្ថកិច្ចប៉ុស្តិ៏ក្បាលកោះ បានធ្វើការឃាត់ខ្លួនជនសង្ស័យ០១នាក់ ដែលមានឈ្មោះ កែវ មុនីឧត្តម ភេទប្រុស អាយុ ២៥ឆ្នាំ ជាជនជាតិខ្មែរ មុខរបរគ្មាន ស្នាក់នៅភូមិយកបាត្រ សង្កាត់ក្បាលកោះ ខណ្ឌច្បារអំពៅ ពាក់ព័ន្ធករណី លួចមានស្ថានទម្ងន់ទោស (យកដែក១២លីគាស់ផ្តាច់សោរ ទម្លុះទ្វារចូលលួចដែកសំនាញ់)។
គួរបញ្ជាក់ថា មុនដំបូងជនរងគ្រោះបានយកដែកសំនាញ់ទុកខាងក្រោយផ្ទះចំការចំនួន២ដុំ ផ្លូវលំ ភូមិយកបាត្រ១ រួចបានដើរមកខាងមុខផ្ទះ ស្រាប់តែមានជនសង្ស័យខាងលើ បានយកដែក ១២លីគាស់សោរទម្លុះទ្វារចូលលួចដែកសំនាញ់ ប៉ុន្តែត្រូវបានជនរងគ្រោះឃើញក៏បានឃាត់ជនសង្ស័យប្រគល់អោយសមត្ថកិច្ច ចាត់ការតាមច្បាប់៕
ប្រភព៖ ប៉ុស្តិ៍នគរបាលរដ្ឋបាលក្បាលកោះ
