ភ្នំពេញ ៖ នៅថ្ងៃទី៣ ខែកញ្ញា ឆ្នាំ២០២២ វេលាម៉ោង១៤និង២៥នាទី កម្លាំងនគរបាលប៉ុស្តិ៍រដ្ឋបាលបឹងព្រលិ សហការជាមួយកម្លាំងអធិការដ្ឋាននគរបាលខណ្ឌ៧មករា បានឃាត់ខ្លួនសង្ស័យចំនួន២ នាក់ ពាក់ព័ន្ធករណី លួចមានស្ថានទំងន់ទោស (ឆក់យកទូរសព្ទដៃ) ។
ជនសង្ស័យមានឈ្មោះ ចុង ប៊ុនតុង ភេទប្រុស អាយុ១៧ឆ្នាំ ជនជាតិខ្មែរ បុខរបរនៅផ្ទះ មានទីលំនៅផ្ទះជួលលេខ១ ផ្លូវមិនចាំ សង្កាត់ ស្រះចក ខណ្ឌដូនពេញ (ពិនិត្យទឹកនោមរកសារធាតុញៀន លទ្ធផល (អវិជ្ជមាន) គ្រូពេទ្យធ្វើតេស្តជំងឺកូវីដ-១៩១៩លទ្ធផល (អវិជ្ជមាន) និងឈ្មោះ លឹម សុខពិសិទ្ធ ភេទប្រុស អាយុ២៧ឆ្នាំ មុខរបរលក់ដូរ មានទីលំនៅផ្ទះលេខ១០៧ ផ្លូវលំ ភូមិមិនចាំ សង្កាត់បឹងទំពុន ខណ្ឌមានជ័យ សមត្តកិច្ចបានធ្វើតេស្តទឹកនោមរកសារធាតុញៀនលទ្ធផល (វិជ្ជមាន) គ្រូពេទ្យបានយកសំណាកពិនិត្យជំងឺកូវិដ-១៩លទ្ធផល (អវិជ្ជមាន) ។ ជនសង្ស័យទាំង២នាក់ត្រូវបានសមត្ថកិច្ចឃាត់ខ្លួននៅថ្ងៃទី៣ ខែកញ្ញា ឆ្នាំ ២០២២ម៉ោង ២និង២៥នាទី នៅចំណុចមុខផ្ទះលេខ២៣៧Eo ផ្លូវ២១៤កែង៩៣ ភូមិ ៣៨សង្កាត់បឹងព្រលិត ខណ្ឌ៧មករា ។
ជនរងគ្រោះឈ្មោះ ភីរុំ ស្រីលាក់ ភេទ ស្រី អាយុ១៨ឆ្នាំ ជនជាតិខ្មែរ មុខរបរ លក់អីវ៉ាន់តាមអនឡាញ មានទីលំនៅខុនដូរ ផ្លូវបេតុងភូមិ មិនចាំ សង្កាត់ទន្លេបាសាក់ខណ្ឌចំការមន រាជធានីភ្នំពេញ ។
វត្ថុតាងនិងសម្ភារៈចាប់យកពីជនសង្ស័យមាន ម៉ូតូចំនួន១គ្រឿងម៉ាកC125 ពណ៌ខ្មៅ ពាក់ស្លាកលេខ1FE-4403 ជាមធ្យោបាយជនសង្សយ័ជិះធ្វើសកម្មភាព ។ ចំណែកសម្ភារៈបាត់បង់ (ទូរសព្ទដៃចំនួន១គ្រឿងម៉ាកអាយហ្វូន១៣ ប្រូម៉េក ពណ៌ផ្ទៃមេឃ) ។
បច្ចុប្បន្ន ជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាល ខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តរតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
