បាត់ដំបង ៖ នៅថ្ងៃទី២០ ខែសីហា ឆ្នាំ២០២២ វេលាម៉ោ ង១៤និង៣០នាទី ត្រង់ចំណុចក្រុមទី០៦ ភូមិវាលទ្រា ឃុំអូរតាគី ស្រុកថ្មគោល មានករណីលួចមានស្ថានទម្ងន់ទោស (ឆក់ទូរស័ព្ទដៃ) ០១គ្រឿងម៉ាកOPPO ពណ៌ផ្ទៃមេឃ របស់ជនរងគ្រោះឈ្មោះ សំ សុភាព ភេទស្រី អាយុ៤៨ឆ្នាំ រស់នៅភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង ។
លុះដល់វេលាម៉ោង១៥និង០០នាទី ថ្ងៃខែដដែល ត្រង់ចំណុចក្រុមទី០១ ភូមិគោកខ្ពស់ ឃុំរូងជ្រៃ ស្រុកថ្មគោល ខេត្តបាត់ដំបង មានករណីលួចមានស្ថានទម្ងន់ទោស (ឆក់ទូរស័ព្ទដៃ) កើតឡើងម្តងទៀតដែលបង្កឡើងដោយជនសង្ស័យមិនស្គាល់អត្តស ញ្ញាណចំនួន ០២នាក់ ជិះម៉ូតូចំនួន ០១គ្រឿង ម៉ាកហុងដាឌ្រីម ពណ៌ក្រហម មិនស្គាល់ស៊េរីនិងស្លាកលេខ បានជិះម៉ូតូធ្វើសកម្មភាពឆក់យកទូរស័ព្ទដៃរបស់ជនរងគ្រោះឈ្មោះ ម៉ិល សឿប ភេទប្រុស អាយុ៤៣ឆ្នាំ រស់នៅមូលដ្ឋានខាងលើ ខណៈជនរងគ្រោះឱ្យកូនលេងទូរស័ព្ទម៉ាក OPPO ។
បន្ទាប់ពីកើតហេតុ ជនរងគ្រោះបានប្តឹងចូលមកសមត្ថកិច្ចនគរបាលស្រុកថ្មគោលដែលមានលោកវរសេនីយ៍ទោ សេង លុច ជាអធិការនគរបាលស្រុក ។
អនុវត្តតាមបទបញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការរងារនគរបាលព្រហ្មទណ្ឌ សមត្ថកិច្ចនគរបាលស្រុកថ្មគោល សហការជាមួយសមត្ថកិច្ចនគរបាលស្រុកបវេល មានលោកវរសេនីយ៍ឯក សុខ សារិន ជាអធិការបានធ្វើការស្រាវជ្រាវរហូតឈានទៅឃាត់ខ្លួនបានមុខសញ្ញាជនសង្ស័យចំនួន០២នាក់ ៖ ១-ឈ្មោះ ហ៊ុន សេង ភេទប្រុសអាយុ៣៥ឆ្នាំ រស់នៅភូមិតាប៉ុន ឃុំតាប៉ុន ស្រុកសង្កែ(ជនដៃដល់) ។ ២-ឈ្មោះ រី វ័ន្ត ភេទប្រុស អាយុ ៣៨ឆ្នាំ រស់នៅភូមិហៃសាន ឃុំជ្រៃ ស្រុកថ្មគោល (អ្នកបើកម៉ូតូ)។
ដកហូតសម្ភារះតាងរួមមាន៖ -ម៉ូតូ ០១គ្រឿង ម៉ាកហុងដា សេ១២៥ ស៊េរី២០២០ ពណ៌ក្រហម ពាក់ស្លាកលេខ បាត់ដំបង 1AL-6046 -ទូរស័ព្ទដៃចំនួន ០២គ្រឿង ម៉ាកOPPO ។
ក្រោយពីបានសារភាពទទួលស្គាល់នូវសកម្មភាពល្មើសរបស់ខ្លួន សមត្ថកិច្ចនគរបាលស្រុកបានរៀបចំបញ្ជូនជនសង្ស័យទៅកាន់ការិយាល័យជំនាញ ដើម្បីធ្វើចាត់ការបន្តតាមនីតិវិធី-ច្បាប់ រីឯទូរស័ព្ទដៃបានប្រគល់ជូនម្ចាស់វិញ ៕
ប្រភព៖ អគ្គស្នងការដ្ឋាននគរបាលជាតិ
