បាត់ដំបង ៖ នៅថ្ងៃទី២០ ខែសីហា ឆ្នាំ២០២២ នៅវេលាម៉ោង ១៧និង១០នាទីល្ងាច ស្ថិតនៅចំណុចក្រុមទី០២ ភូមិដូង ឃុំចែងមានជ័យ ស្រុកបាណន់ ខេត្តបាត់ដំបង មានករណីអគ្គិភ័យកើតឡើងចំនួន ០១លើក បណ្តាលឲ្យឆេះផ្ទះ០១ខ្នង(ឆេះទាំងស្រុង) ។
ផ្ទះខាងលើមានទំហំ ១២ម៉ែត្រ x ៨ម៉ែត្រ ធ្វើពីឈើលើ ថ្មក្រោម ដំបូលប្រក់ស័ង្កសី ជញ្ជាំងក្តារ របស់ម្ចាស់ឈ្មោះ ឈិត ស៊ង ភេទប្រុស អាយុ៧៦ឆ្នាំ រស់នៅក្នុងភូមិ ឃុំកើតហេតុខាងលើ ។ ជនបង្កមានឈ្មោះ ស៊ង សំរស់ ភេទប្រុស អាយុ៤២ឆ្នាំ (ត្រូវជាកូនបង្កើត ហើយជាមនុស្សប្រើប្រាស់ថ្នាំញៀន) ជាអ្នកដុត ។
បន្ទាប់ពីទទួលបានព័តមានខាងលើ កម្លាំងអធិការដ្ឋាននគរបាលស្រុកបាណន់បានចេញរថយន្តពន្លត់ចំនួន ០២គ្រឿង រួមជាមួយនឹងរថយន្តកែច្នៃ០១គ្រឿង ដោយប្រើប្រាស់ទឹកអស់ចំនួន ០៣រថយន្ត ៕
ប្រភព៖ អគ្គស្នងការដ្ឋាននគរបាលជាតិ
