ព្រះសីហនុ៖ ពលរដ្ឋប្រាប់ថា រថយន្ត២គ្រឿងបុកប៉ះគ្នានៅផ្លូវជាតិលេខ៤ ម្តុំជិតស្ពានអូរកំបុត ក្នុងឃុំអូរឧកញ៉ាហេង ស្រុកព្រៃនប់ខេត្តព្រះសីហនុ គីឡូម៉ែត្រលេខ២០១ វេលាម៉ោង៨កន្លះយប់ថ្ងៃទី១០ ខែសីហា ឆ្នាំ២០២២។ បើតាមពលរដ្ឋដដែលប្រាប់ថា អ្នកបើកបររថយន្តសាំយ៉ុង រងរបួសគៀបជាប់ក្នុងរថយន្តត្រូវបានពលរដ្ឋនិងអ្នកជួយសង្គ្រាះ នាំគ្នាគាស់យកចេញពី រថយន្តនាំទៅមន្ទីរពេទ្យ ចំណែកភាគីម្ខាងទៀតមិនមានមនុស្សរងគ្រោះថ្នាក់ទេ។
ភ្លាមៗ នៅមិនទាន់មានរបាយការណ៏លម្អិតពីសមត្ថកិច្ចជុំវិញគ្រោះថ្នាក់ចរាចរណ៏នេះឡើយ ក្នុងនោះក្រោយកើតហេតុ សមត្ថកិច្ចបានចុះអន្តរាគមន៌សម្រួលចរាចរណ៏និងបន្តដោះស្រាយតាមនិតិវិធី៕
ប្រភព៖ Huy Bunleng News
