ភ្នំពេញ ៖ នៅថ្ងៃ៩ ខែសីហា ឆ្នាំ២០២២ វេលាម៉េាង២០ និង៣០នាទី កម្លាំងនគរបាលខណ្ឌ៧មករា បានឃាត់ខ្លួនជនសង្ស័យម្នាក់ ករណីលួច (ម៉ូតូ) នៅចំណុចផ្លូវលេខ១០៩ កែង១៣៤ សង្កាត់មិត្តភាព ខណ្ឌ៧មករា (ធ្វើសកម្មភាពលួចចេញពីចំណុចផ្ទះលេខ១៩៨e០ ផ្លូវលេខ១២៨ ភូមិ៦ សង្កាត់មិត្តភាពខណ្ឌ7មករា) ។
មន្ត្រីនគរបាលខណ្ឌ៧មករា បានឱ្យដឹងថា ៖ ជនសង្ស័យឈ្មោះ ង្វៀង យាំងសឹង ភេទប្រុស អាយុ៣៣ឆ្នាំ ជនជាតិវៀតណាម មុខរបរជាងឈើ មានទីលំនៅផ្ទះលេខបន្ទប់ជួល ផ្លូវដីថ្មី ភូមិបឹងឈូក ឃុំស្វាយរលំ ក្រុងតាខ្មៅ ខេត្តកណ្តាល ធ្វើតេស្តទឹកនោមរកសារធាតុញៀនលទ្ធផល (វិជ្ជមាន) ។ ជនរងគ្រោះឈ្មោះ អ៊ាត ម៉េង ស្រ៉ឺ ភេទប្រុស អាយុ៤៧ឆ្នាំ ជនជាតិខ្មែរ មុខរបរលក់មីឆា មានទីលំនៅផ្ទះជួលលេខ១៨៤E២ ផ្លូវ១២៨ ភូមិ៦ សង្កាត់មិត្តភាព ខណ្ឌ៧មករា ។ សម្ភារៈបាត់បង់ ៖ ម៉ូតូចំនួន ១គ្រឿង ម៉ាកC125 ពណ៌ខ្មៅ សេរី២០១៥ ស្លាកលេខ ភ្នំពេញ1FE-1952
បច្ចុប្បន្នជនសង្ស័យ ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលខណ្ឌ៧មករា ដើម្បីកសាងសុំរឿងបញ្ជូនទៅសាលាដំបូងរាជធានីភ្នំពេញ ចាត់ការ តាមនីតិវិធីច្បាប់ ៕
ប្រភព៖ អគ្គស្នងការដ្ឋាននគរបាលជាតិ
